អ្នកចាត់ការទូទៅ Manchester United លោក Jose Mourinho កំពុងមានគម្រោងដ៏គួរឲ្យភ្ញាក់ផ្អើលមួយដើម្បីត្រៀមឆក់យកខ្សែការពារកណ្តាល David Luiz ពីតោខៀវ Chelsea។
យោងតាមប្រភពព័តមាន The Express បានចុះផ្សាយឲ្យដឹងថា អ្នកចាត់ការទូទៅ Jose Mourinho កំពុងតែត្រៀមប្រជែងឆក់យក David Luiz ពី Chelsea ស្របពេលខ្សែការពារវ័យ៣០ឆ្នាំរូបនេះកំពុងតែមានរឿងរកាំរកូសខ្លាំងជាមួយគ្រូបង្វឹកលោក Antonio Conte ក្នុងអំឡុងពេលអ្នកចាត់ការសញ្ជាតិអ៊ីតាលីរូបនេះដករូបគេចេញពីបញ្ជីកីឡាករ១១នាក់ដំបូងប្រកួតទល់នឹង Man Utd កាលពីពីរសបា្តហ៍មុន ហើយមិនពេញចិត្តនឹងទម្រង់លេងរបស់គេថែមទៀតក្រោយភ្លាត់ចាញ់ Roma ៣-០ នៅ Champions League។
យ៉ាងណាមិញ ប្រសិនបើការព្រមព្រៀងនេះកើតឡើងពិតមែននោះ មានន័យថានេះមិនមែនជាកីឡាករទី១ទេដែរលោក Mourinho បានទិញពីក្រុមគូប្រជែង Chelsea ក្នុងរដូវកាលនេះ ពោលកាលពីដើមរដូវកាលរូបលោកបានទិញខ្សែបម្រើ Nemanja Matic ម្នាក់រួចមកហើយ៕
