លោក Jose Mourinho បានជាប់ទាក់ទងទៅនឹងការប្រឈមមុខដាក់គ្នាជាមួយកីឡាករ Manchester City បន្ទាប់ពីលោកបានត្អូញត្អែរថាការអបអរហ៊ោកញ្ជ្រៀវរបស់ក្រុមកីឡាករ Man City គួរឲ្យធុញ និងរំខានពេលការប្រកួតចប់។
តាមប្រភព Daily Mail និង Daily Telegraph បាននិយាយថា Mourinho បានដើរទៅបន្ទប់ផ្លាស់សម្លៀកបំពាក់របស់ Man City ក្រោយការប្រកួតចប់ដែលបិសាចក្រហមចាញ់មេឃខៀវ១ទល់២នៅ Old Trafford ពីព្រោះគាត់ធុញទ្រាន់ និងសំឡេងហ៊ោកញ្ជ្រៀវដោយគ្មានការគោរពកោតខ្លាចអីបន្តិចសោះ។
កាសែតខាងលើបានបន្តថា Mourinho មានជម្លោះពាក្យសម្ដី ជាមួយនឹងអ្នកចាំទីរបស់ Man City កីឡាករ Ederson មុនពេលមានទឹក និងទឹកដោះគោមកលើគាត់ដោយក្រុមកីឡាករ Man City ។ ពួកគេគប់ត្រូវក្បាលរបស់គាត់ជាមួយនឹងដបទឹកប្លាស្ទិក។
បន្ទាប់មកសន្តិសុខក្នុងកីឡដ្ឋាន Old Trafford បានមកបំបែកមនុស្សជាង២០នាក់កំពុងប្រវាយប្រតប់គ្នាមកពីកីឡាករ និងបុគ្គលិកក្លឹបទាំងពីរ។ របាយការណ៍ថា ហេតុការណ៍បានកើតឡើងជិតច្រកផ្លូវចូលបន្ទប់ផ្លាស់សំលៀកបំពាក់នៅ Old Trafford។
ជ័យជម្នះរបស់ City បានធ្វើឲ្យពួកគេឈរកំពូលតារាងលើសក្រុមលេខ២ Man United ១១ពិន្ទុ ធ្វើពួកគេកំពុងខិតជិតទៅរកការលើកពាន។ របាយការណ៍បានបន្តថា ហេតុការណ៍កើតឡើងរបស់លោក Jose Mourinho ស្រដៀងទៅនឹងសង្គ្រាមសាចជ្រូកកាលពីឆ្នាំ ២០០៤ដែលកាលនោះ Man Utd ឈ្នះ Arsenal ក្នុងខែតុលា។រឿងគឺខ្សែបម្រើ Arsenal កីឡាករ Cesc Farbregas គប់ភីសហ្សាទៅលើលោក Sir Alex Ferguson៕
