ក្លឹបបិសាចក្រហម Manchester United បានកំណត់អត្តសញ្ញាណខ្សែការពារស្លាប Southampton កីឡាករ Cedric Soares ដើម្បីទុកមកជំនួសកន្លែង និងប្រកួតប្រជែងជាមួយ Antonio Valencia នៅរដូវកាលក្រោយ។
លោក Jose Mourinho បានចង់កីឡាករណាម្នាក់មកជំនួសកន្លែងValencia ដែលជាកីឡាករលេងក្នុងជម្រើសដំបូងនៅOld Trafford ខណៈដែលក្លឹបមួយនេះក៏ធ្លាប់រកកីឡាករមកជំនួសខ្សែការពារអេក្វាឌ័ររូបនេះ កាលពីរដូវកាលមុនដែរតែរកមិនបាន។
Valencia លេងបាន២៥៦៣នាទីក្នុង Premier League នៅរដូវកាលនេះដែលជាកីឡាករលេងបានច្រើននាទីជាងគេបន្ទាប់ Nemanja Matic និង Romelu Lukaku។ ប៉ុន្តែប្រធានក្រុមរូបនេះមានវ័យ៣២ឆ្នាំទៅហើយហើយលោក Jose Mourinho ក៏បានដឹងពីកម្រិតកំពូលរបស់កីឡាកររូបនេះ នឹងធ្លាក់ចុះបន្តិចម្ដងៗហើយបើមិនរកអ្នកជំនួសទេ ក្រុមអាចនឹងមានបញ្ហា។
តាមប្រភព Mirror បានរាយការណ៍ថាបានចាប់អារម្មណ៍កីឡាករមានសញ្ជាតិដូចគ្នាដើម្បីជួយ Valencia ។ Soares ជាកីឡាករជម្រើសដំបូងរបស់ Southampton ជាច្រើនឆ្នាំមកហើយខណៈដែលរដូវកាលក្លឹបស្ទើរតែធ្លាក់ចេញពីលីកហើយនោះច្បាស់ណាស់ថារូបគេនឹងរកទ្រនំថ្មីប្រសើរជាងនេះហើយនិយាយពីតម្លៃខ្លួនវិញ Jose Mourinho អាចឲ្យ២០លានផោនអីប៉ុណ្ណឹង៕
