Eden Hazard បញ្ចប់ចំណាត់ថ្នាក់ទី១៩ក្នុងតារាងបេក្ខភាពឈ្នះ Ballon d’Orទាំង៣០នាក់ដែលនេះមានន័យថារូបគេនៅដាច់ឆ្ងាយពី Messi និង Ronaldo។ ដើម្បីមានឱកាសល្អជាងនេះ កីឡាករជម្រើសជាតិបែលហ្សិក គួរតែពិចារណាផ្ទេរទៅលេងនៅ Real នេះបើតាមសម្ដីរបស់អតីតកីឡាករ Chelsea និង Real Madrid ។
កាលពីថ្មីៗនេះ Eden Hazard មានទំនាក់ទំនងធ្វើការផ្ទេរទៅលេងនៅ Real Madrid ស្របពេលដែលទម្រង់លេងបច្ចុប្បន្នកំពុងទាក់ភ្នែកលោក Florentino Perez និង លោក Zidane ។ ដោយឡែកសម្រាប់សាមីខ្លួនផ្ទាល់ ក៏ធ្លាប់និយាយថាចង់លេងក្រោមការដឹកនាំរបស់ Zidane ផងដែរ។រូបគេត្រូវបានចាត់ទុកថាជាកីឡាករល្អម្នាក់ក្នុងពិភពលោកប៉ុន្តែរូបមិនទាន់បានឈ្នះពាន Ballon D’or នៅឡើយទេ។
ដូច្នេះហើយបាន កីឡាករ Michael Essien បាននិយាយថា៖” គាត់គួរតែទៅលេងនៅ Real Madrid ដើម្បីឈ្នះ Ballon d’Or។ ពេលយើងនិយាយពីឈ្មោះ Eden គឺគាត់ជាកីឡាករល្អម្នាក់គាត់លឿន គ្រប់គ្រង់បាល់បានល្អហើយគាត់ខ្លាំង។ គាត់ប្រហែលជាមាឌតូចបន្តិច ប៉ុន្តែគាត់គឺខ្លាំង ជឿខ្ញុំទៅ វាពិតជាពិបាកណាស់ ដើម្បីដណ្ដើមបាល់ពីគាត់”។
