វីដេអូជំនួយអាជ្ញាកណ្ដាលឬឈ្មោះជាភាសាអង់គ្លេស Video assistant referee (VAR) នឹងត្រូវដាក់ឲ្យប្រើប្រាស់ក្នុងពានរង្វាន់ La liga នៅរដូវកាលក្រោយ នេះបើតាមប្រភពពីប្រធាន សហព័ន្ធបាល់ទាត់អេស្ប៉ាញ។
លោក Juan Luis Larerea បានរំពឹងរួចហើយថា លីកកំពូលអេស្ប៉ាញនឹងដើរតាមលីកកំពូលអ៊ីតាលី Serie A និងលីកកំពូលអាល្លឺម៉ង់ Bundesliga ដោយប្រើប្រាស់វីដេអូជំនួយនេះ ចាប់ផ្ដើមនៅរដូវកាល២០១៨/២០១៩តែម្ដង។
ពេលអ្នកកាសែតសួរពីការប្រើប្រាស់ VAR, Larrea បាននិយាយទៅកាន់វិទ្យុអេស្ប៉ាញ Cadena SER ថា៖” សម្រាប់រដូវកាលក្រោយ វាគឺជាគោលបំណងរបស់ពួកយើង។ បច្ចេកវិទ្យាបានមកដល់បាល់តាត់ហើយៗអ្នកត្រូវតែទទួលយកវាមកប្រើ”។ ប្រធានសហព័ន្ធបាល់ទាត់អេស្ប៉ាញរូបនេះបានបន្តទៀតថា ការដាក់ឲ្យសាកល្បងនូវបច្ចេកវិទ្យានេះដល់ទៅ៧០ប្រកួតសិនមុនពេលសម្រេចឲ្យប្រើប្រាស់ជាផ្លូវការក្នុង La liga។”
VAR ត្រូវបានប្រើសម្រាប់មើលឡើងវិញនូកំហុសមួយចំនួនដូចជា ការពិន័យកាតក្រហម បាល់បញ្ជូលទី ការពិន័យបាល់១១ម៉ែត្រ និងកំហុសដែលយើងមិនអាចមើលឃើញគ្រប់ជ្រុងជ្រោយ ហើយការដាក់ឲ្យសាកល្បងក្នុងប្រទេសមានដូចជា៖ អូស្រ្តាលី ប្រេស៊ីល និងហុល្លង់។
OFFICIAL: La Liga is set to introduce video assistant referee (VAR) technology from next season. pic.twitter.com/XSnfAuAuOt
— Squawka News (@SquawkaNews) October 26, 2017
ទោះបីជាយ៉ាងនេះក្ដី! ក្រោយពេលណែនាំឲ្យប្រើដំបូងគេនៅអ៊ីតាលី បច្ចេកវិទ្យានេះ មិនទាន់ទទួលបានប្រជាប្រិយភាពនៅឡើយទេ។ ការដាក់ឲ្យប្រើបច្ចេកវិទ្យានេះ ត្រូវបានគេរិះគន់ផងដែរដែលមានដូចជា Gianluigi Buffon និយាយថាប្រើVAR ធ្វើឲ្យការប្រកួតកាន់តែអាក្រក់ ស្របពេលគ្រូបង្វឹក Juventus លោក Massimilaino Allegri បាននិយាយបែបកំប្លែងថា៖”វានឹងក្លាយជាកីឡាបាល់បោះក្នុងប្រទេសអាមេរិក យើងចំណាយពេល១០ម៉ោង ស៊ីសណ្ដែកដីក្នុងកីឡដ្ឋាន”។
មែនទែនទៅ ទោះបីជា La liga ត្រូវបានគេចាត់ទុកថាជាលីកកំពូលខ្លាំងជាងគេ ប៉ុន្តែបច្ចេកវិទ្យាពិនិត្យគ្រាប់បាល់ចូលឬអត់( Goal-Line Technology) ក៏មិនមានប្រើដូចលីកគេខ្លាំងៗដទៃទៀតដែរ ស្របពេលប្រធានសហព័ន្ធបាល់ទាត់អេស្ប៉ាញថាវាថ្លៃពេកផងនោះ៕
