លោក Guillem Balague ជាអ្នកជំនាញវិភាគបាល់ទាត់អេស្ប៉ាញបាននិយាយឲ្យមានទំនុកចិត្តច្បាស់ថា Cristiano Ronaldo ចូលចិត្តលេងចាប់ដៃគូជាមួយKarim Benzema ជាជាងកីឡាករដទៃទៀតក្នុងក្លឹប Real Madrid។
CR7 និង Benzema ត្រូវដាក់ឲ្យលេងជាមួយគ្នាលើកដំបូងចាប់តាំងពីការប្រកួត Champions League វគ្គផ្ដាច់ព្រ័ត្រកាលពីខែឧសភាមក។ ពេល Real Madrid ឈ្នះ Getafe កាលពីចុងសប្ដាហ៍នេះហើយលោក Balague ជឿថា Ronaldo-Benzema គឺជាដៃគូប្រយុទ្ធដ៏សំខាន់បំផុតក្នុងជម្រើសដំបូង Los Blancos ។
“ Benzema គឺជាកីឡាករសំខាន់បំផុតក្នុងចំណោមកីឡាករសំខាន់ៗដទៃទៀតដូចជា Luka Modric និងSergio Ramos ” គាត់និយាយក្នុងSky Sport។
“ គាត់គឺជាអ្នករក្សាស្ដាយ៍លេងរបស់Madrid ហើយជាខ្សែប្រយុទ្ធល្អបំផុតពេលចាប់ដៃគូជាមួយ Ronaldo។ដោយសារគាត់មានទំនាក់ទំនងក្នុងតំបន់បម្រើហើយផ្លាស់ទីជុំវិញតំបន់ប្រយុទ្ធ រក្សតុល្យភាពនៅតំបន់ប្រយុទ្ធ។ ខ្ញុំជឿជាក់ថា ចំណុចដែលខ្ញុំដឹងគឺ Ronaldo ចង់លេងជាមួយ Benzema ជាជាងកីឡាករដទៃទៀតក្នុងក្រុម”។
Real Madrid នឹងត្រូវជួប Tottenham ក្នុង Champions League ហើយយើងពិតជាដឹងហើយថាក្រុមរបស់លោក Zinedine Zidane កំពុងឈរកំពូលតារាងមាន៦ពិន្ទុបានមកពីជ័យជម្នះ២ប្រកួតកន្លងមក។ តើ Ronaldo អាចចាប់ដៃគូជាមួយ Benzema រកគ្រាប់បាល់ឲ្យ Real Madrid ឈ្នះ Spurs បានដែរទេ?
ប្រិយមិត្តអាចបញ្ចេញចំណាប់អារម្មណ៍ក្នុង Comment បាន៕
