Cristiano Ronaldo បានប្រាប់មេៗរបស់ Real Madrid ឲ្យចុះកុងត្រាយកកំពូលអ្នកចាំទីរបស់ Manchester United កីឡាករ David de Gea ប្រភព Diario Gol និយាយដូច្នេះ។
អ្នកចាំទីជម្រើសអេស្ប៉ាញគឺជាគោលដៅរយៈពេលវែង របស់ម្ចាស់ជើងឯក La liga ហើយពួកគេស្ទើរតែទិញបានសម្រេចទៅហើយកាលពីឆ្នាំ២០១៥ ប៉ុន្តែដោយសារការបញ្ជូនឯកសារយឺតប៉ុន្មាននាទី ធ្វើឲ្យការផ្ទេរនេះត្រូវជាប់គាំង។
De Gea ចូលលេងឲ្យ Manchester United បាន២៨០ប្រកួតទៅហើយ ក្រោយពេលលោក Sir Alex ទិញពី At. Madrid ក្នុងតម្លៃ១៩លានផោន ហើយរូបគេទើបតែបន្តកុងត្រាថ្មីបន្ត៤ឆ្នាំ ជាមួយក្លឹបម្ចាស់កីឡដ្ឋាន Old Trafford កាលពី២ឆ្នាំមុន។
