ក្រុមបិសាចក្រហមនឹងត្រូវរង់ចាំដល់នាទីចុងក្រោយ មុនពេលសម្រេចចិត្តថាតើ Ander Herrera និង Marcus Rashford បានចូលលេងក្នុងជំនួប Premier League ជាមួយ Spurs ដែរឬអត់?
កីឡាករទាំងពីររូបនេះ បានប៉ះទង្គិចក្នុងការប្រកួត Carabao Cup ទល់នឹង Swansea កាលពីយប់ថ្ងៃអង្គារនៅនាទី៧០វគ្គទី២ ហើយត្រូវប្ដូរចេញទាំងពីរ។ Ruahford ត្រូវប៉ះទង្គិចសរសៃពួរបន្ទាប់ពីស្លាយបាល់ពីគូរប្រកួត ខណៈ Herrera ថ្លស់កែងជើង។
ខណៈបិសាចក្រហមត្រូវជួប Tottenham នៅរសៀលថ្ងៃសៅរ៍ ពួកគេត្រូវបាត់បង់ Paul Pogba, Michael Carrick និង Marouane Fellaini រួចទៅហើយ។បើកីឡាករពីររូបនេះ បាត់បង់ទៀត Man Utd កាន់តែពិបាក។ លោក Jose Mourinho ត្រូវរងចាំការសម្រេចចិត្តថា ត្រូវដាក់អ្នកទាំងពីរឲ្យចូលលេងឬអង្គុយកៅអីបម្រុង ខណៈខ្សែបម្រើកណ្ដាលនៅសល់តែ Nemanja Matic ម្នាក់គត់។
Phil Jones នឹងមានកម្លាំងពេញលេញសម្រាប់ប្រកួតនេះហើយខ្សែការពារ Eric Bailly ក៏បានចូលលេងក្នុងការប្រកួតនេះដែរ៕
