ខ្សែប្រយុទ្ធ Barcelona កីឡាករ Lionel Messi ចង់ឲ្យក្លឹបចុះកុងត្រាយកកីឡាកររបស់ Manchester United ៣នាក់នេះប្រសិនបើកិច្ចព្រៀងយក Coutinho ពី Liverpool មិនបានសម្រេចទេនោះ។
Barcelona សឹងតែបានយកខ្សែបម្រើជម្រើសជាតិប្រេស៊ីលរូបមកកាន់កីឡដ្ឋាន Camp Nou ទៅហើយក្នុងរយៈពេលចុងក្រោយនេះ ប៉ុន្តែមិនទាន់មានព័ត៌មានទុកចិត្តបានណាមួយសម្រេចពីការចុះកុងត្រានេះឡើយ។
ក្លឹបអ្នកមានបុណ្យក៏កំពុងតែពង្រឹងក្រុមត្រៀម Champions League ដែលកំពុងមានពន្លឺខ្លះៗហើយនោះ ចំណែកChampions League ក៏ស្ថិតក្នុងដំណើរពាក់កណ្ដាលផ្លូវដែរ។ កាសែតអេស្ប៉ាញ Diario Gol និយាយថា Messi ចង់ឲ្យBarcelona ស៊ីញេកុងត្រាយកកីឡាករ Man Utd ៣រូបបើមិនអាចទិញយក Coutinho មកបាននោះ។ កីឡាករទាំងបីនាក់ដែលគេឆ្ងល់នោះគឺ Ander Herrera, Daley Blind និង Juan Mata។
កីឡាករទាំងបីនាក់នេះ ផុតកុងត្រាជាមួយ Man Utd ហើយៗពួកគេក៏មិនទាន់ចុះកុងត្រាថ្មីជាមួយក្លឹបនៅឡើយដែរ។ ទម្រង់លេងរបស់ Herrera គឺអាចជំនួសតំបន់កណ្ដាលរបស់ Sergio Busquet ខណៈ Mata អាចផ្លាស់ប្ដូរជាមួយប្រធានក្រុម Barcelona កីឡាករ Andres Iniesta នៅកីឡដ្ឋាន Camp Nou នៅពេលអនាគត។ចំណែក Daley Blind គឺត្រូវនឹងទម្រង់លេងរបស់ Barcelona ដែលកំពុងចង់បានបំផុត។ Messi ចង់ឲ្យកីឡាករហូឡង់រូបនេះ មកជំនួសដំណែងកីឡាករ Javier Mascherano ស្របពេលរូបគេផ្ទេរទៅលេងនៅចិនក្នុងខែនេះហើយនោះ។
កាសែតខាងលើក៏បាននិយាយ Messi ក៏ចង់ឲ្យក្លឹបស៊ីញេយកកុងត្រា Mesut Ozil និង Leon Goretzka ផងដែរ។ ចំណែកកាសែត Express បានដឹងថា Ozil ចង់ជំនួសដំណែង Mkhitaryan នៅ Man Utd ហើយ Goretzka ទំនងនឹងទៅលេងនៅBayern Munich៕
