អាហ្សង់ទីនសម្បូរកីឡាករល្អពេក គ្រូបង្វឹករើសពាក់កណ្ដាលលេងមិត្តភាព

គ្រូបង្វឹកជម្រើសជាតិអាហ្សង់ទីន បានជ្រើសរើសកីឡាករត្រឹម២២នាក់ទុកសម្រាប់លេងមិត្តភាពនៅពេលខាងមុខនេះខណៈក្នុងបញ្ជីនេះ លោកបានធ្វើការផ្លាស់ប្ដូរកីឡាករខ្លាំងៗមួយចំនួនចេញហើយដាក់កីឡាករវ័យក្មេងមួយចំនួនមកជំនួស។

ក្នុងបញ្ជីនេះគេឃើញ Gonzalo Higuain បានកោះហៅឡើងវិញចូលក្រុមជម្រើសជាតិអាហ្សង់ទីន សម្រាប់លេងមិត្តភាពជាមួយអ៊ីតាលីនិងអេស្ប៉ាញ ប៉ុន្តែ Paulo Dybala និង Mauro Icardi អត់មានឈ្មោះទេ។ អតីតខ្សែប្រយុទ្ធ Real Madrid ត្រូវបានកោះហៅឡើងវិញ ទោះបីជាមានរបួសកែងជើងក៏ដោយហើយរូបគេនឹងខកខានលេងក្នុង Champions League ជើងទី២ជាមួយSpurs។ ប៉ុន្តែការរកបាន១៤គ្រាប់ក្នុងរដូវកាលនេះ Higuain អាចទាក់ចិត្តលោក Jorg Sampaoli សម្រាប់ការប្រកួតមិត្តភាពនេះ។