អតីតកីឡាករវាយកូនបាល់លេខមួយពិភពលោក Andy Murray បានដកខ្លួនចេញពីពានរង្វាន់ 2018 Australian Open ហើយក្រោយមានបញ្ហារបួស។ដំណឹងនេះបានបញ្ជាក់កាលពីថ្ងៃព្រហស្បតិ៍។
កីឡាករសញ្ជាតិស្កុតឡែន មានបញ្ហារបួសត្រកៀកកាលពីឆ្នាំ ២០១៧ ហើយមិនបានចូលលេងចាប់តាំងពីធ្លាក់ចេញពីពាន Wimbledon កាលពីថ្ងៃទី១២កក្កដាមកម្ល៉េះ។ ទោះបីរបួសនេះទទួលបានការព្យាបាលជាពិសេសពីសំណាក់គ្រូពេទ្យជំនាញត្រកៀកលំដាប់ពិភពលោក Murray បានបញ្ជាក់ដោយខ្លួនឯងថា គាត់មិនទាន់មានភាពរឹងមាំគ្រប់គ្រាន់សម្រាប់ការប្រកួតនៅឆ្នាំ ២០១៨នេះទេ។
Murray: “Sadly I won’t be playing in Melbourne this year, as I am not yet ready to compete. I’ll be flying home shortly to assess all the options.”
Good luck for the rest of ‘18, @andy_murray, you’ll be missed! https://t.co/yzRIypFXM7
— #AusOpen (@AustralianOpen) January 4, 2018
និយាយក្នុង Fox Sport,៖” គួរឲ្យស្ដាយខ្ញុំនឹងមិនបានលេងនៅទីក្រុងម៉ែលប៊ននោះទេ ដោយសារមិនទាន់ជាស្រួលបួល។ ខ្ញុំនឹងត្រឡប់ទៅផ្ទះវិញ ដើម្បីព្យាបាលរបួសបន្តនិងសម្រាក”។
Murray មិនមែនជាកីឡាករលំដាប់កំពូលតែម្នាក់ ដែលខកខានលេងក្នុងពានរង្វាន់នេះ សូម្បីតែម្ចាស់ជើងឯក Australian Open ៦សម័យកាល Novak Djokovic ក៏មិនបានលេងដែរដោយសាររបួសកែងដៃ ខណៈតារាវាយកូនបាល់ជប៉ុន Kei Nishikoriកំពុងព្យាបាលរបួសកដៃនៅឡើយ៕
