Ozil នឹងផុតកុងត្រាជាមួយ Arsenal ក្នុងរដូវកាលនេះហើយៗ រូបគេក៏មិនមានបំណងចង់បន្តកុងត្រាថ្មីជាមួយកាំភ្លើងធំទៀតដែរ។
Manchester United គឺកំពុងឈរមុខគេក្នុងការនាំយកខ្សែបម្រើជម្រើសជាតិអាល្លឺម៉ង់ មកលេងនៅ Old Trafford ប៉ុន្តែក៏មានក្លឹបមួយចំនួនទៀតចង់បានដូចជា Barcelona, Chelsea,និង Arsenal ខ្លួនផ្ទាល់ក៏មិនចង់ឲ្យកីឡាកររបស់ខ្លួនចាកចេញដែរ។
តាមអ្នកជំនាញមួយចំនួននិយាយថា Ozil គឺជាកីឡាករឥតខ្ចោះបំផុតសម្រាប់ Manchester United។ ក្លឹបមួយនេះចូលចិត្តកីឡាករពូកែបង្កើតឱកាសក្នុងតំបន់ប្រយុទ្ធ ដែលបច្ចុប្បន្នពួកគេកំពុងបាត់បង់។ លោក Jose Mourinho គឺជាគ្រូបង្វឹកដែលចូលចិត្តលេងការពារហើយវាយបកលឿនៗដែលមូលហេតុនេះ លោកត្រូវការកីឡាករដែលពូកែបោះបាល់ហើយប៉ះសេបាល់ទៅខ្សែប្រយុទ្ធបានច្បាស់។
Henrikh Mkhitaryan ធ្លាប់បានលេងដោយធ្វើបានជាមួយនឹងក្បួននេះ ដោយឲ្យ Man Utd មានទម្រង់លេងល្អកាលពីដើមរដូវកាល ប៉ុន្តែ Ozil មានជំនាញបញ្ចប់ទីច្បាស់ជាងទោះបីជាពូកែ Assist ដូចគ្នា។ ក្នុងរដូវកាលនេះអ្នកជំនាញបានវិភាគទម្រង់លេងរបស់ Ozil គឺរកឃើញថាអតីតកីឡាករពាក់អាវលេខ១០របស់R eal Madrid រូបនេះលេងមិនអស់សមត្ថភាពនោះទេ រូបគេមិនសូវរកបានគ្រាប់បាល់ ហើយការបញ្ជូនបាល់ក៏មិនសូវបានល្អឥតខ្ចោះនោះដែរ។
ប៉ុន្តែរូបគេជាកីឡាករដ៏មានឥទ្ធិពលនៅ Premier League ដែលបង្កើតឱកាស ហើយក្រុមកាំភ្លើងទាំងមូលបង្ហាញទម្រង់លេងណាស់ពេលមាន Ozil លេងអស់ពីសមត្ថភាព។ ការពិតនៅពីក្រោយការលេងមិនអស់នេះមានមូលហេតុច្រើនយ៉ាង។
តែយ៉ាងណា! ការមកចូលរួមជាមួយ Manchester United លេងក្រោមការដឹកនាំរបស់អតីតគ្រូបង្វឹកកាលនៅអេស្ប៉ាញពិតជាធ្វើឲ្យកីឡាករម្នាក់នេះដល់កម្រិតកំពូលឡើងវិញ៕
