ខ្សែបម្រើក្រុមកាំភ្លើងធំ Arsenal កីឡាករ Mesut Ozil បាននិយាយទាក់ទងទៅនឹងអនាគតរបស់ខ្លួនជាមួយ Arsenal ដោយរូបគេមិនមានបំណងចាកចេញពីកីឡដ្ឋាន Emirates Stadium នោះទេ។
កុងត្រារបស់ Ozil នឹងផុតកំណត់ពេលចប់រដូវកាល២០១៧/១៨នេះហើយៗកីឡាករវ័យ២៩ឆ្នាំ ក៏មានទំនាក់ទំនងយ៉ាងជិតស្និតដោយធ្វើការចាកចេញ ពីក្លឹបមានមូលដ្ឋាននៅភាគខាងជើងទីក្រុងឡុងដ៏កាលពីប៉ុន្មានខែមុន។
ក្លឹបដែលមានទំនាក់ទំនងជាមួយ Ozil គឺ Manchester United និង Barcelona ដោយក្លឹបទាំងពីរនេះចង់បានខ្លាំងជាងគេ ប៉ុន្តែកីឡាករជម្រើសជាតិអាល្លឺម៉ង់បាននិយាយថា គាត់មានមោទនភាពណាស់ដែលលេងនៅកាំភ្លើងធំ។
ពេលអ្នកកាសែតរបស់ Sky Sport សួរថាហេតុអ្វីបានជាអ្នកមកចូលរួមជាមួយ Arsenal ហើយ Ozil បាននិយាយថា៖ដោយសារតែប្រវត្តិសាស្ត្រ និងកីឡាករដ៏អស្ចារ្យជាច្រើននាក់នៅទីនេះ។ ខ្ញុំមកទីនេះដើម្បីរៀនសូត្រ រីកចម្រើននិងបង្ហាញទេពកោសល្យរបស់ខ្ញុំចំពោះក្លឹប។ ក្លឹបមួយនេះធ្វើឲ្យខ្ញុំបានតែមានឈ្មោះល្បី ហើយខ្ញុំមានមោទនភាពណាស់ដែលលេងក្លឹបធំដូចជា Arsenal”៕
