អ៊ីស្លង់បានបំបាក់កូសូវ៉ូ២ទល់០ក្នុងទីក្រុង Raykjavik កាលពីយប់មិញដើម្បីទទួលបានកៅអីទៅលេង World Cup២០១៨ក្នុងឋានៈជាក្រុមកំពូលតារាងពូល Iនៃវគ្គជម្រុះក្នុងតំបន់អឺរ៉ុប ហើយពួកគេក៏ជាប្រទេសតូចបំផុតដែលបានទៅលេងនៅWorld Cup។
ក្រុមបានឡើងដល់វគ្គ៨ក្រុមចុងក្រោយនៅ Euro 2016 នឹងមានវត្តមាននៅប្រទេសរុស្សីនៅឆ្នាំក្រោយ។ ក្រុមមួយនេះគេស្គាល់ច្បាស់ជាងគេ គឺទម្លាក់ក្រុមតោក្រដាសអង់គ្លេសនៅ Euro 2016 វគ្គ១៦ក្រុមចុងក្រោយ ក្រោយចាញ់ម្ចាស់ផ្ទះបារាំងនៅវគ្គ៨ក្រុម។ ក្រុមរបស់លោក Heimir Hallgrimsson ឈ្នះ៧ប្រកួតស្មើមួយប្រកួតនឹងចាញ់២ប្រកួតនៅវគ្គជម្រុះក្នុងពូល I។
ក្រុមមួយនេះ មានប្រជាជនត្រឹមតែ៣៣៤០០០នាក់ប៉ុណ្ណោះគឺតិចនិងតូចជាងបណ្ដាប្រទេសដែលធ្លាប់ជាប់លើកមុនៗ។
Iceland, population 334,000, become the smallest nation ever to qualify for the World Cup – and the only one with fewer than 1m people. pic.twitter.com/vTZTxl532n
— Nick Harris (@sportingintel) October 9, 2017
