លោក Jupp Heynckes គ្រូបង្វឹកថ្មីរបស់ Bayern Munich បានលើកឡើងថាបញ្ហាផ្នែកភាសាគឺជាផលលំបាកសម្រាប់ James Rodriguez ប្រកបអាជីពបាល់ទាត់នៅក្នុងក្របខណ្ឌ Bundesliga។
កីឡាករជម្រើសជាតិកូឡុំប៊ីត្រូវបានក្លឹបមានកីឡដ្ឋាន Allianz Arena ខ្ចីជើង២ឆ្នាំពី Real Madrid កាលពីខែកក្កដាដោយលោក Carlo Ancelotti ជាអ្នកនាំមក។ប៉ុន្តែរបួសសរសៃពួរបានធ្វើឲ្យពិបាកក្នុងការលេង ហើយរូបគេបានចូលលេងលើកដំបូងបំផុតឲ្យក្លឹបថ្មីកាលពីថ្ងៃទី៩កញ្ញា។ កីឡាករនាំលេងរូបនេះ លេងបានត្រឹម៥ប្រកួតប៉ុណ្ណោះគ្រប់កម្មវិធី ហើយការបណ្ដេញចេញគ្រូបង្វឹកលោក Ancelotti ធ្វើឲ្យរូបគេតែលតោលចង់ត្រឡប់មក Real Madrid វិញ។
🎙 “We’ll get back to winning ways with our fans behind us!”#FCBayernTV caught up with Jupp #Heynckes ⬇️ pic.twitter.com/kCslQ4YtSC
— FC Bayern English (@FCBayernEN) October 9, 2017
Heynkes ដែលជាគ្រូបង្វឹកមកជំនួសគ្រូបង្វឹកសញ្ជាតិអ៊ីតាលីបាននិយាយថា James អត់ចេះនិយាយភាសាអាល្លឺម៉ង់គឺពិបាកជួយនូវបញ្ហារបស់គាត់ ប៉ុន្តែគាត់នឹងរកជំនួយបន្ថែម។ គ្រូបង្វឹកសញ្ជាតិអាល្លឺម៉ង់បាននិយាយថា៖” James Rodriguez មិននិយាយភាសាអាល្លឺម៉ង់។ បាល់ទាត់អាល្លឺម៉ង់ខុសពីដាច់ពីបាល់ទាត់នៅអាមេរិកខាងត្បូងវាពិតជាពិបាកខ្លាំងណាស់សម្រាប់កីឡាករដូចជាគាត់”។
“ ទោះបីជាយ៉ាងនេះក្ដី! គាត់ត្រូវដឹងថាគាត់អាចរកជំនួយពីខ្ញុំបានដោយសារខ្ញុំចូលចិត្តកីឡាករដែលមានទេពកោសល្យហើយគាត់មានទេពកោសល្យខ្លាំងណាស់។ ខ្ញុំបានឃើញគាត់លេងនៅ Real Madrid ប៉ុន្តែខ្ញុំមិនបានដឹងពីបញ្ហាផ្ទាល់ខ្លួនរបស់គាត់នោះទេ។ ពេលដែលគាត់ត្រឡប់មកពី International Break វិញខ្ញុំនឹងនិយាយជាមួយគាត់ហើយផ្ដល់ដំបូន្មានឲ្យទៅគាត់”៕
