ក្រុមបិសាចក្រហម Manchester United និង AC Milan ត្រូវបានគេរាយការណ៍ថា កំពុងប្រជែងគ្នាដណ្ដើមយកខ្សែប្រយុទ្ធវ័យក្មេងមានទេពកោសល្យបំផុតនៅអឺរ៉ុបក្នុងខែមករានេះ។
ក្លឹបទាំងពីរកំពុងតែដុតដៃដុតជើងរៀបចំឯកសារដេញថ្លៃដែលកីឡាករម្នាក់មានឈ្មោះ David Neres ឬគេស្គាល់ថា ” Little Neymar”ហើយខ្សែប្រយុទ្ធវ័យក្មេងរូបនេះ កំពុងបង្ហាញទម្រង់លេងល្អនៅក្របខ័ណ្ឌ Eredivisie ក្នុងរដូវកាលនេះ។
កីឡាករវ័យក២០ឆ្នាំរកបាន០៨គ្រាប់និងបញ្ជូនបាល់បាន១០ដងឲ្យមិត្តរួមក្រុមក្នុងការចូលលេងត្រឹម១៦ប្រកួតឲ្យក្លឹបលីកកំពូលហូឡង់។ Neres ត្រូវបានគេស្គាល់ថាជាកីឡាករមានល្បឿនលឿននិងទិកនិកញាក់បាល់បានល្អហើយដំណែងល្អបំផុតសម្រាប់គេគឺខ្សែប្រយុទ្ធស្លាបស្ដាំ។
វេបសាយកីឡាអ៊ីតាលី “Calcio Mercato”បានរាយការណ៍ថា AC Milan បានចូលរួមប្រជែងជាមួយ Manchester United ក្នុងចុះកុងត្រាយកកីឡាករវ័យ២០ឆ្នាំជម្រើសជាតិប្រេស៊ីល ដែលបានចាកចេញពី Sao Paoloមកចូលរួមជាមួយ Ajax កាលពីខែមករាឆ្នាំមុនក្នុងតម្លៃ១២លានអឺរ៉ូ។
និយាយពី Ajax វិញគ្មានបំណងនឹងលក់កីឡាករដែលពួកគេប្រើមិនទាន់អស់ថ្លៃនៅឡើយ ប៉ុន្តែ Arsenal, TottenhamនិងJuventus កំពុងតែបង្ហាញចំណាប់អារម្មណ៍ចង់បានផងដែរ។ អញ្ចឹងក៏ដោយតាមការសន្និដ្ឋានមួយចំនួនកីឡាករវ័យក្មេងរូបនេះនឹងនៅហូឡង់មិនបានយូរទេហើយរូបគេអាចនឹងចាកចេញ។
ប្រភពដដែលបានបង្ហើបថាក្លឹបយក្សហូឡង់នឹងកំណត់តម្លៃដំបូងបំផុត២៥លានអឺរ៉ូ ប្រសិនបើពួកគេចង់លក់ចេញ៕
