តារាបាល់ទាត់ព័រទុយហ្គាល់បានផ្ទេរទៅលេងនៅ Old Trafford ក្នុងរដូវក្ដៅឆ្នាំ២០០៣ ដោយបោះបង់ការទៅចូលរួមក្លឹបកំពូលៗធំនៅអ៊ីតាលី និងអេស្ប៉ាញ។
CR7 បានបញ្ជាក់ថាគាត់បានសម្រេចចិត្តមកលេងនៅ Manchester United បន្ទាប់ពីបោះបង់ការចាប់អារម្មណ៍ពី Juventus និង Real Madrid។ កីឡាករវ័យ៣២ឆ្នាំបច្ចុប្បន្នកំពុងលេងនៅក្លឹបមានមូលដ្ឋាននៅទីក្រុងម៉ាឌ្រីដ ជាមួយនឹងតម្លៃបំបែកកំណត់ត្រាពិភពលោកកាលពីឆ្នាំ ២០០៩ ដោយចេញពី Old Trafford មក Santiago Bernabeu។
តាមពិតទៅគាត់ អាចនឹងមក Real Madrid កាលពី៦ឆ្នាំមុន មុនប្ដូរមកលេងឆ្នាំ២០០៩ និងអាចទៅលេងនៅទឹកដី Turin របស់ Juventus ក្រោយពេលរូបគេកំពុងមានគេចាប់អារម្មណ៍ខ្លាំងកាលឆ្នាំ២០០៣នៅក្លឹប Sporting Lisbon។ Ronaldo មានអារម្មណ៍ថា ខ្លួននៅក្មេងណាស់ពេលសម្រេចចិត្តទៅទីណាមួយ ពីព្រោះមានក្លឹបធំជាច្រើនចង់បាន ប៉ុន្តែការសម្រេចចិត្តចុងក្រោយដោយមានភ្នាក់ងារកីឡាករជួយផ្ដល់យោបល់ផងនោះ រូបគេក៏បំពេញក្ដីស្រមៃខ្លួនឯងទៅលេងនៅManchester United។
និយាយទៅកាន់អតីតកីឡាករ Juventus លោក Alessandro Del Piero បន្ទាប់ពីទទួលពាន Player of The Year ក្នុងពិធីចែកពាន Globe Soccer Award ម្ចាស់ជយលាភីបាល់មាស Ballon d’Or បាននិយាយថា៖”មានក្លឹបជាច្រើនចាប់អារម្មណ៍មកលើខ្ញុំ ប៉ុន្តែបុរសម្នាក់ដែលជួយដល់ខ្ញុំជាងគេគឺ Jorg Mendes។ គាត់តែងតែណែនាំខ្ញុំឲ្យសម្រេចចិត្តត្រូវ។ ពិតណាស់ ខ្ញុំចាំថាគាត់និយាយអំពី Juventusហើយខ្ញុំរីករាយណាស់ដែលក្លឹបដ៏អស្ចារ្យមួយចង់បានខ្ញុំ”។
“ហើយគាត់ក៏និយាយពី Real Madrid, Manchester United និងក្លឹបជាច្រើនទៀត។ ប៉ុន្តែក្លឹបដែលស្នើសុំឲ្យនូវលក្ខខណ្ឌប្រសើរជាងគេគឺ United។ វាគឺជាក្ដីសុបិនរបស់ខ្ញុំដោយសារតែកាលនោះ ខ្ញុំជាក្មេងម្នាក់ដែលចង់ទៅលេងនៅPremier League។ United ផ្ដល់ឲ្យខ្ញុំនូវឱកាសនេះ ហើយក៏អរគុណដល់ Sie Alex Ferguson ពិសេស Jorgeដែលបានជួយខ្ញុំឲ្យទៅដល់ទីនោះ”។
ការចំណាយពេល៦ឆ្នាំនៅ Manchester United, Ronaldo បានរកបានគ្រាប់បាល់ចំនួន១១៨គ្រាប់ក្នុង២៩២ប្រកួត ដោយជួយក្លឹបឈ្នះពាន Premier League ៣ ដង FA Cup ម្ដង League Cup, Champions League និង Club World Cup ម្ដងម្នាក់ៗផងដែរ។
បែបណាក្ដី! ទោះបីមកដល់ Real Madrid ហើយក៏ដោយ Ronaldo នៅតែជួយក្លឹបលើកពានគឺ La liga ២ដង Champioins League ៣ដង និង FIFA World Cup ៣ដង(រាប់តែពានធំ)រួមទាំងពានកិត្តិយសបុគ្គលរាប់មិនអស់ទៀត៕
