តាមប្រភពការវិភាគរបស់ Sky Sports’ Power Ranking បានឲ្យដឹងថា Antoine Griezmann បច្ចុប្បន្ននេះគឺជាកីឡាករល្អបំផុតក្នុងលីកកំពូលអេស្ប៉ាញដោយតាមពីក្រោយ CR7 និង LM10។
គ្រប់យ៉ាងដែលខ្សែប្រយុទ្ធជម្រើសជាតិបារាំងរូបនេះ បង្ហាញក្នុងរដូវកាល២០១៧/១៨ សុទ្ធតែល្អជាងគេទាំងអស់ពិសេសការទាត់បញ្ចូលទី, ការបញ្ជូនបាល់ការប៉ះសរបាល់ ហើយអ្វីដែលពិសេសជាងគេគឺរកបាន៨គ្រាប់ក្នុងចំណោម៤ប្រកួតចុងក្រោយ។
ទម្រង់លេងរបស់គាត់ ហាក់មិនមាននរណាចាប់អារម្មណ៍នោះទេ ហើយពេលនេះ Sky Sport បានបង្ហាញពីភាពជោគជ័យ ក្នុងការបង្ហាញគ្រប់យ៉ាងក្នុងនាមជាកីឡាករ។ ប្រភពដដែលបានវិភាគនិងគណនាដោយយកស្ថិតិ៣២ប្រភេទខុសគ្នាៗគិតជាពិន្ទុហើយទម្រង់លេង៥ប្រកួតចុងក្រោយរបស់ Griezmann ពិតជាមិនធម្មតា។
កីឡាករ៥នាក់ដែលដែលមានពិន្ទុលេងល្អជាងគេក្នុងលីក La liga រដូវកាលនេះគឺ៖
Antoine Griezmann: 11,214
Cristiano Ronaldo: 10,045
Lionel Messi: 9,298
Luis Suarez: 7,941
Neto: 7,732
ខណៈពេលដែល World Cup ឈានមកដល់បន្តិចម្ដងៗ Griezmann នឹងសង្ឃឹមថាអាចជិះយន្តហោះទៅរុស្សីជាមួយក្រុមជម្រើសជាតិបារាំងហើយឈ្នះពានជាលើកទី២ឲ្យក្រុមមាន់គកទៅចុះ៕
