Leganes បានទម្លាក់ Real Madrid ក្នុងពាន Copa del Rey វគ្គ៨ក្រុមចុងក្រោយដោយគ្រាប់បាល់ក្រៅដី កាលពីយប់មិញហើយលោក Zidane បាននិយាយពីទំនួលខុសត្រូវលើអនាគតរបស់លោក។
លោកបានទទួលស្គាល់ថាការងារជាគ្រូបង្វឹក Real Madrid របស់លោកនឹងត្រូវសម្រេចថានៅឬទៅពេលនាំក្លឹបជួប PSG ក្នុងពានរង្វាន់ Champions League ហ្នឹងហើយ។ គ្រូបង្វឹកធ្លាប់នាំ Real Madrid ឈ្នះ Champions League ២ដងរយៈពេល២ឆ្នាំជឿថាការជួប PSG វគ្គ១៦ក្រុមចុងក្រោយនៅខែក្រោយ អាចសម្រេចពីអនាគតដ៏លឿនរបស់គាត់។
“ពិតណាស់ វាបានបង្ហាញច្បាស់ហើយ។ ខ្ញុំជាអ្នកទទួលខុសត្រូវលើលទ្ធផលនេះ ខ្ញុំគ្រូបង្វឹក។ដូច្នេះហើយខ្ញុំត្រូវតែស្វែងរកដំណោះស្រាយខ្ញុំត្រូវតែទទួលយកស្ថានភាពនេះ ខ្ញុំនៅតែរក្សាការប្រយុទ្ធ រក្សាការធ្វើការធ្ងន់ និងស្វែងរកអ្វីដែលធ្វើឲ្យក្រុមប្រសើរជាងនេះ”។
“ ខ្ញុំមិនសោកស្ដាយដែលកីឡាករយើងចាកចេញ កីឡាករមួយចំនួនត្រូវការសម្រាក នៅលើក្រដាសវាគឺជាក្រុមដែលប្រកួតប្រជែង។ ខ្ញុំទទួលខុសត្រូវលើលទ្ធផលនេះ វាគឺជាកាបរាជ័យមួយរបស់ខ្ញុំនៅថ្ងៃនេះ។ ខ្ញុំអន់ចិត្តដែរ ហើយខ្ញុំនឹងទទួលខុសត្រូវគ្រប់យ៉ាង”។
“ខ្ញុំជាអ្នកជ្រើសរើសក្រុមខ្ញុំជាអ្នកសម្រេចចិត្តខ្ញុំខឹងខ្លួនឯង មិនមែនកីឡាកររបស់ខ្ញុំទេកីឡាកររបស់ខ្ញុំព្យាយាមហើយ រត់ខ្លាំងហើយប្រហែលជាពួកគេលេងមិនសូវល្អ ពួកគេកើតចេញពីការសម្រេចចិត្តរបស់ខ្ញុំ តែខ្ញុំជាអ្នកដែលទទួលខុសត្រូវច្រើនជាងគេ”៕
[youtube id=”aaVPh1Qr_t4″]
