បុរស២នាក់កំពុងផ្ដល់ភាពជោគជ័យនៅ Real Madrid និង Barcelona ក្នុងការប្រកួតចុងក្រោយពួកគេកំពុងតែស្ថិតក្នុងបញ្ជីកីឡាករសំខាន់របស់ជម្រើសជាតិអេស្ប៉ាញនោះគឺ Dani Carvajal និង Jordi Alba មួយដំណែងស្លាបឆ្វេងនិងមួយទៀតដំណែងស្លាបស្ដាំ។
បច្ចុប្បន្នពួកគេបានក្លាយជាកីឡាករល្អបំផុតក្នុងតំបន់អឺរ៉ុបដែលលេងក្នុងដំណែងនេះហើយពិតណាស់ពួកគេទាំងពីរជាដៃគូក្នុងតំបន់ការពារស្លាបទាំងសងខាងឲ្យជម្រើសជាតិល្អបំផុតក្នុងបាល់ទាត់ពិភពលោក។
Carjaval កំពុងតែរីករាយនឹងទម្រង់លេងល្អបំផុតរបស់ខ្លួនដោយជួយឲ្យ Ronaldo រកបានគ្រាប់បាល់ក្នុងតំបន់ប្រយុទ្ធហើយបិទខ្សែប្រយុទ្ធ PSG កីឡាករ Angel Di Maria ក្នុងការប្រកួតធំៗ។ទម្រង់លេងរបស់ពួកគេកំពុងតែមានការប្រកួតប្រជែងពី Sergio Roberto ផងដែរ។
ចំណែកAlba ក៏ជាកីឡាករសំខាន់របស់ Barcelona ផងដែរក្រោមការដឹកនាំរបស់លោក Ernesto Valverde ដោយជួយតំបន់ការពារនិងប្រយុទ្ធ ស្លាបខាងឆ្វេងតែយ៉ាងណាដំណែងរបស់គេក៏ត្រូវទទួលរងការប្រកួតប្រជែងពីខ្សែបម្រើការពារស្លាបឆ្វេងរបស់ Chelsea កីឡាករ Marcos Alonso ។
បើដាក់ក្នុងឈុតជម្រើសដំបូង១១នាក់នោះ ជម្រើសជាតិអេស្ប៉ាញនឹងមានខ្សែការពារល្អបំផុតក្នុង World Cup នៅប្រទេសរុស្សី។ ជម្រើសជាតិមួយទៀតដែលគេគិតថាមានខ្សែការពារស្លាបដៃគូល្អបំផុតនោះគឺប្រេស៊ីលដោយស្លាបស្ដាំមាន Dani Alves និងស្លាបឆ្វេងមាន Marcelo ហើយក្រៅពីនេះគ្មានក្រុមជម្រើសជាតិមកប្រៀបបាននោះទេ៕
