លោក Massimilaino Allegri កំពុងតែសង្ឃឹមថា Juventus នឹងមិនអាចជួបក្លឹបយក្ស២នៅ La Liga គឺ Real Madrid និងBarcelona ក្នុងវគ្គ៨ក្រុមចុងក្រោយ។
Real Madrid និង Juventus គឺជាក្រុម២ក្នុងចំណោម៤ដែលបានឡើងទៅអង្គុយកៅអីវគ្គ៨ក្រុមចុងក្រោយ ខណៈដែលBarcelona នឹងត្រូវទទួលភ្ញៀវ Chelsea នៅថ្ងៃអង្គារ។ ក្រុមរបស់លោក Zidane កំពុងរក្សាការឈ្នះពានជាលើកទី៣ជាប់គ្នាៗក្រោយពេលទម្លាក់ PSG កាលវគ្គ១៦ក្រុមចុងក្រោយ។
Allegri គិតថាពួកគេ ជាក្រុមដែលលោកធ្លាប់ចាញ់គឺកាលពីឆ្នាំមុនចាញ់៤ទល់១នៅវគ្គផ្ដាច់ព្រ័ត្រ។ “ខ្ញុំសង្ឃឹមថានឹងជៀសផុតក្រុមទាំងពីរនេះ Real Madrid និងBarcelona ។ ខ្ញុំគិតថា Madrid គឺជាក្រុមដែលមានភាគរយខ្ពស់ឈ្នះពាន។ ពួកគេកំពុងផ្ដោតសំខាន់ទៅលើ Champions League តែមួយគត់ហើយក៏គ្មានក្រុមណាមួយជិតស្និតទៅនឹងការប្រកួតពាននេះជាងពួកគេដែរ”៕
t
