អ្នកស្រី Karren Brady មានដំណែងជា CEO របស់ក្លឹបញញួរធំ West Ham បាននិយាយថាអ្នកស្រីចង់ឃើញ Tottenham លើកពាន Premier League ជាជាងក្លឹបខ្លាំងៗដទៃទៀតលើកពាន។
ខណៈពេលដែលក្លឹបរបស់អ្នកស្រីកំពុងលេងជាមួយក្រុម Spurs ក្នុងការប្រកួត Premier League មុនគេប្រចាំសប្ដាហ៍នេះ Karren Brady បាននិយាយដូច្នេះ៖
“ ខ្ញុំនិយាយដោយស្មោះត្រង់ទៅចុះខ្ញុំពិតជាច្រណែនក្រុម Spurs នាពេលបច្ចុប្បន្ននេះណាស់។ ម៉្យាងវិញទៀត មាន់ខ្នាយមាសគួរតែលើកពាន Premier League ហើយនាំឈ្មោះល្បីដល់ទឹកដីWhite Hart Land ជារៀងរហូត។”
ទាំងក្រុម West Ham និង Tottenham សុទ្ធតែមានបទពិសោធន៍ខកចិត្តពេលចាប់ផ្ដើមរដូវកាលដំបូងខណៈក្រុមញញួរកំពុងរំដោះខ្លួនចេញពីតំបន់កាត់ចោលហើយហើយ Spurs កំពុងឡើងអំណាចឲ្យស្មើតំបន់របស់កាំភ្លើងធំ។ ពេលដែលពួកគេជួបគ្នាកាលពីរដូវកាលមុន, ក្រុមញញួរធំ ជាអ្នកបង្អាក់មាន់ខ្នាយមាសចេញពីឱកាសលើកពានដោយយកឈ្នះ១ទល់០ ហើយBrady បានរំពឹងថាថ្ងៃណាមួយ Spurs នឹងឈ្នះពាននេះមិនខាន។
CEO វ័យ៤០ប្លាយជាងរូបនេះនិយាយថា៖” អ្វីដែលអ្នកគាំទ្រពិតប្រាកដចង់បានគឺឈ្នះពាន Premier League ជាមុនសិន។ខ្ញុំមិនចង់ឲ្យពួកគេខកឱកាសក្រោមដៃអ្នកវិនិយោគបរទេសដែលចំណាយលុយច្រើនឈ្នះពាននោះទេ”៕
