ខណៈពេលដែល Philippe Continho នៅតែមានព័ត៌មានជាប់ទាក់ទងជាមួយ Barcelona ស្របពេល Liverpool បដិសេធជាច្រើនដងគ្រូបង្វឹកហង្សក្រហមលោក Jurgen Klopp បាននិយាយថាក្លឹប La liga មួយនេះ កំពុងចំណាយពេលឥតប្រយោជន៍។
គ្រូបង្វឹកសញ្ជាតិអាល្លឺម៉ង់រូបនេះ បានប្រាប់ទៅ Barcelona ថាឲ្យរក្សាកម្លាំងទុកធ្វើរឿងអ្វីផ្សេងវិញទៅ ខណៈពេលដែលក្លឹបមួយនេះ នៅតែចង់បាន Super Star របស់ Liverpool។ Coutinho ទើបតែជួយ Liverpool ឈ្នះ Bayern Munich ៣ទល់០លើកពាន Audi Cup កាលពីយប់មិញ ហើយកីឡាករវ័យ២៥ឆ្នាំ ត្រូវបានគេរាយការណ៍ថានៅតែជាគោលដៅរបស់ Barcaខណៈក្លឹបយក្ស La liga ចង់បានរូបគេទៅជំនួស Neymar ដែលខិតជិតនឹងទៅលេងនៅ Paris Saint-Germain។
ចំណែក Klopp ក៏ធ្លាប់បាននិយាយហើយថា Coutinho មិនមែនជាកីឡាករសម្រាប់លក់នោះទេ ទោះបីជាឲ្យតម្លៃថ្លៃប៉ុណ្ណាក៏ដោយ ហើយចុងក្រោយនេះលោកថា Barca មិនគួរចំណាយពេលឥតប្រយោជន៍ទៀតទៅ។
“ ខ្ញុំដឹងថា Coutinho មានកម្រិតសមត្ថភាពឡើងខ្ពស់ខ្លាំង ប៉ុន្តែពួកគេ (Barcelona)គួរតែរក្សាកម្លាំងទុកវិញប្រសើរជាង”។
” គាត់(Coutinho) ដាក់លេងពីដំបូងនៅកណ្ដាល ហើយបន្ទាប់មកគាត់ឡើងទៅកាន់ប្រយុទ្ធស្លាបឆ្វេង ពីព្រោះគាត់ល្អពេលធ្វើបែបនេះ ហើយបន្ទាប់មកយើងបានគិតថាគាត់អាចលេងបានល្អតាមរបៀបនេះ។ ត្រឹម៤៥ទៅ៦០នាទីគាត់លេងបានយ៉ាងល្អហើយគាត់អាចលេងបាន២ដំណែងនេះ”៕
