កីឡាករបាល់ទាត់ម្នាក់ដែលមិនព្រមចុះចាញ់នរណាម្នាក់នៅលើលោកនេះគឺ Zlatan Ibrahimovic បាននិយាយប្រាប់អ្នកគាំទ្រថារូបគេនឹងមានវត្តមានក្នុងការប្រកួត World Cup នៅរុស្សីហើយថែមទាំងនិយាយពីសារសំខាន់របស់ខ្លួនក្នុងព្រឹត្តិការណ៍បាល់ទាត់ធំជាងគេបំផុត។
ខ្សែប្រយុទ្ធ LA Galaxy បានក្លាយជាភ្ញៀវកិត្តិយសរបស់លោក Jimmy Kimmel ក្នុងកម្មវិធីមួយនៃទូរទស្សន៍ ABC ហើយក្នុងនោះដែរអតីតកីឡាករ Man Utd បាននិយាយបញ្ជាក់ច្បាស់ៗពីការទៅលេងនៅ World Cup។ ពេលពិធីករសួរថាតើអ្នកនឹងទៅWorld Cup ជាមួយជម្រើសជាតិស៊ុយអែតអត់?ហើយគាត់ក៏បានឆ្លើយថា៖” ខ្ញុំទៅ World Cup តើ! បាទ! ខ្ញុំទៅ!”។
“ខ្ញុំទើបតែនិយាយហើយថាខ្ញុំនឹងទៅ World Cup។ប្រសិនបើខ្ញុំនិយាយច្រើនជាងនេះ មនុស្សជាច្រើននឹងព្យួរកខ្ញុំហើយ។ ដូច្នេះខ្ញុំត្រូវតែប្រយ័ត្ននូវអ្វីដែលខ្ញុំនិយាយពេលនេះ”។
“ ការប្រកួត World Cup ពេលដែលគ្មានខ្ញុំគឺមិនមែនជា World Cup ទេ!”។
ទោះបីជាមិនបានបង្ហាញខ្លួនឲ្យជម្រើសជាតិក្នុងវគ្គជម្រុះក្នុងទ្វីបប៉ុន្តែរូបគេនឹងប្រកាសចូលជម្រើសជាតិវិញ។តែយ៉ាងណាគេមិនទាន់ដឹងថារូបគេចូលវិញក្នុងនាមជាកីឡាករឬក៏ដំណែងគ្រូជំនួយណាមួយនោះទេ ខណៈអ្វីលើសពីនេះមិនទាន់បាននិយាយ៕
