គ្រូបង្វឹកក្រុមកាំភ្លើងធំ Arsenal លោក Arsene Wenger ជឿថាអ្នកគាំទ្រ Arsenal នឹងមិនសូវឈឺចាប់ពីការចាកចេញរបស់Alexis Sanchez ដូចកាល Robin van Persie ត្រូវបានលក់ទៅឲ្យក្រុម Manchester United កាលពីប៉ុន្មានឆ្នាំមុននោះទេ។
អ្នកគាំទ្រក្រុមកាំភ្លើងធំបានបង្ហាញការភ្ញាក់ផ្អើលផង ខឹងផង និងសោកស្ដាយផងនៅពេលដែលក្លឹបបានលក់ខ្សែប្រយុទ្ធកំពូលរបស់ខ្លួន Van Persie ឲ្យ Manchester United កាលឆ្នាំ ២០១២ ហើយកីឡាករខ្សែប្រយុទ្ធជម្រើសជាតិស៊ីលី Sanchez នឹងស្ថិតក្នុងដំណាក់កាលឈឺចាប់ដូចនេះដែរ។
និយាយក្នុងសន្និសីទមួយគ្រូបង្វឹកសញ្ជាតិបារាំងបានពោលដូច្នេះ៖” ខ្ញុំអាចនិយាយថាអ្នកគាំទ្ររបស់ពួកយើង ពិតជាដឹងហើយថា Sanchez មិនបន្តកុងត្រា ហើយពួកគេត្រូវតែទទួលយកការសម្រេចចិត្ត។ កាលពីប៉ុន្មានឆ្នាំមុន Van Persie គឺជាករណីស្រដៀងគ្នា។ តាមពិតទៅកាល់នោះ Van Persie នៅសល់កុងត្រាតែមួយឆ្នាំទៀតប៉ុណ្ណោះ ហើយកាលនោះវាករណីដំបូងដែលកីឡាករសំខាន់របស់ក្លឹបចេញពីយើងទៅក្រុមគូរប្រជែង”។
“ កុំភ័យ! វានឹងកើតឡើងតទៅទៀត ដោយសារយើងដើរដល់ដំណាក់កាលចាយលុយធំ ហើយកីឡាករក៏ចង់បានភាពប្រសើរឡើងជាងមុន”៕
