ក្រុមមាន់ខ្នាយមាស Tottenham បានសម្រេចជោគជ័យក្នុងការចុះកុងត្រា យកខ្សែការពារស្លាបរបស់ក្រុម PSG កីឡាករ Serge Aurier ក្នុងតម្លៃ២៣លានផោនកុងត្រាដល់ឆ្នាំ២០២២។
Aurier ក្លាយជាកីឡាករទីបួនរបស់លោក Mauricio Pochettino ចុះកុងត្រាថ្មីក្នុងរដូវកាលនេះ បន្ទាប់ពីលោកទិញបាន Paulo Gazzaniga, Juan Foyth និង Davinson Sanchez ។ ខ្សែការពាររូបនេះបានរងចាំឲ្យឯកសារនៃការផ្ទេរស៊ីញេរួចរាល់ទាំងការបង់ពន្ធ ប៉ុន្តែពេលនេះរូបគេបានទទួលជោគជ័យក្នុងការដល់អង់គ្លេសហើយ។
The right-back has signed a contract with the Club until 2022. Full story – https://t.co/XEVWc31ca2 #WelcomeAurier pic.twitter.com/UQlwg5R5qF
— Tottenham Hotspur (@SpursOfficial) August 31, 2017
កីឡាកររូបនេះនឹងមកជំនួសកន្លែងរបស់ Kyle Walker ដែលបានចេញទៅលេងនៅ Manchester City ក្នុងតម្លៃ៥០លានផោនកាលពីដើមរដូវកាល។ មុនមកដល់ក្រុមមាន់ខ្នាយមាស Aurier ធ្លាប់ឈ្នះពាន French Cups ២ដងជាមួយ PSG ប៉ុន្តែការចូលមកដល់របស់ខ្សែការពារប្រកបដោយបទពិសោធន៍ Dani Alves ធ្វើឲ្យរូបគេពិបាកបង្ហាញជម្រើសដំបូងជាមួយក្លឹប៕
