ប្រភព Diario Gol, Real Madrid ត្រៀមខ្លួនរួចហើយក្នុងការចំណាយលុយធំ នាំយកខ្សែការពារ Paris Saint-Germain កីឡាករ Marquinhos ដើម្បីមកពង្រឹងក្នុងតំបន់ការពារ។
កាសែតអេស្ប៉ាញខាងលើបញ្ជាក់ថា ប្រធានក្លឹប Real Madrid កីឡាករ Florentino Perez ចង់មានជម្រើសក្នុងតំបន់ការពារច្រើន ហើយគាត់បានកំណត់អត្តសញ្ញាណខ្សែការពារជម្រើសជាតិប្រេស៊ីលរូបនេះ ជាគោលដៅល្អបំផុត។
ប្រធានក្រុមស្ដេចស Sergio Ramos ហាក់បង្ហាញទម្រង់លេងធ្លាក់ចុះ ក្នុងរដូវកាលនេះ ស្របពេលខ្សែការពារ Raphael Varane ត្រូវបានគេដឹងថា ជួបហានិភ័យរឿងរបួសញឹកញាប់។ ជម្រើសដទៃទៀតដូចជា Nacho និង Jesus Vallejo ហាក់នៅមានបទពិសោធន៍តិចក្នុងការចូលលេងជម្រើសដំបូង១១នាក់ក្រោមការសម្រេចចិត្ត ពីលោក Zidane។
អញ្ចឹងហើយបានជាមហាសេដ្ឋីប្រចាំទីក្រុងម៉ាឌ្រីឌរូបនេះមានបំណងចំណាយលុយ៨០លានអឺរ៉ូ(៧១លានផោន)ដេញថ្លៃយក Marquinhos ហើយបើអាចនឹងយកមកកីឡដ្ឋាន Bernabeu ក្នុងខែមករាខាងមុខនេះតែម្ដង៕
