ប្រធានក្រុម Real Madrid កីឡាករ Sergio Ramosបាននិយាយដល់អ្នកគាំទ្ររបស់ក្លឹប ឲ្យបង្ហាញការគោរព និងកុំនិយាយចំអកដល់ Pique អី អំឡុងពេលកីឡាកររូបនេះ ចូលលេងក្នុងជម្រើសជាតិអេស្ប៉ាញទល់នឹងអ៊ីតាលីក្នុងជម្រុះ World Cup។
ប្រធានក្រុម Real Madrid និង ខ្សែការពារ Barcelona កីឡាករ Gerrard Pique គឺជាសត្រូវស្លាប់រស់ក្នុងពានរង្វាន់ La liga ប៉ុន្តែអ្នកទាំងពីរនឹងចាប់ដៃគ្នា ក្នុងតំបន់ប្រយុទ្ធក្នុងក្រុមជម្រើសជាតិនៅទឹកដីរបស់អេស្ប៉ាញ។ ជារឿយៗ Pique តែងត្រូវបានអ្នកគាំទ្របាញ់ ចំអកខ្លាំងពេលលេងឲ្យជម្រើសជាតិប៉ុន្តែ Ramos បាននិយាយថា កុំបង្ហាញការចំអកឡកឡឺយដល់គាត់អីើ
“ ទៅកាន់ Pigue ឬក៏នរណាម្នាក់អ្នកត្រូវតែបង្ហាញការគោរពដល់កីឡាករ។ ខ្ញុំស្នើឲ្យអ្នកគាំទ្ររបស់យើងជ្រោមជ្រែងក្នុងការប្រកួត វានឹងក្លាយជាការប្រកួតដ៏តឹងតែង។យើងចង់បានការលេងមួយដ៏ល្អ និងបង្ហាញពីភាពខ្លាំងរបស់យើង។”
ក្រុមជម្រើសជាតិអេស្ប៉ាញនិងអ៊ីតាលីមាន១៦ពិន្ទុ ស្មើគ្នាក្នុងពូល G ប៉ុន្តែអេស្ប៉ាញឈរលេខមួយដោយសារការចំណេញគ្រាប់បាល់៕
