វេបសាយ និង បណ្ដាញផ្សព្វផ្សាយរបស់អង់គ្លេសបានចុះផ្សាយយ៉ាងគគ្រឹកគគ្រេងឡើងវិញ ដោយទទួលបានពីប្រភពដើម Don Balonរបស់អេស្ប៉ាញ ថា Manchester United បានដេញថ្លៃយក Gareth Bale សារជាថ្មីពី Real Madrid ក្នុងតម្លៃ៩២លានផោន។
ប្រភពដើមពីអេស្ប៉ាញនិយាយថា Red Devils បានជម្រុញឲ្យ Los Blancos ដោះស្រាយឲ្យបានឆាប់ ធ្វើយ៉ាងណាពិភាក្សាគ្នាលើការដេញថ្លៃយក Bale ទៅលេងនៅ Old Trafford។ កាលពីឆ្នាំ២០១៣ Real Madrid បានពិចារណាចំណាយលុយ៨៥លានផោនទិញយកអតីតខ្សែប្រយុទ្ធស្លាបនេះពី Spurs។
ទម្រង់លេងឡើងខ្លាំងរបស់ Marco Asensio ដល់កម្រិតមួយស្មើ Bale ទៅហើយនោះ ធ្វើឲ្យកីឡាករសញ្ជាតិវែលអាចពិបាកប្រជែង ក្រោយរូបគេខំទាំងរបួសផងនោះ។ ក្រោយពេលកីឡាករវ័យក្មេងសញ្ជាតិអេស្ប៉ាញ បានរក្សាការតាមស្មើ Valencia កាលពីម្សិលមិញ២-២Bale ហាក់មិនមានប្រសិទ្ធភាពរកគ្រាប់បាល់សោះឡើយ។
បើតាមប្រភព៖ Jose Mourinho នឹងសម្រេចចិត្តទិញយក Bale មុនរដូវកាលដោះដូរកីឡាករត្រូវបិទនៅថ្ងៃ ទី ៣១ ខែ សីហានេះ៕
