ខ្សែការពារស្លាបឆ្វេងរបស់ Barcelona, Jordi Alba និយាយថា Isco គឺជាកីឡាករម្នាក់ស្ថិតក្នុងចំណោមល្អបំផុត ក្នុងពិភពលោកបច្ចុប្បន្ន ប៉ុន្តែរូបគេមិនរចង់ឃើញ Isco បង្ហាញទម្រង់លេងនៅ Real Madrid ល្អលំដាប់ពិភពលោកនោះទេ។
Isco កំពុងតែបង្ហាញទម្រង់លេងល្អបំផុតក្រោមការដឹកនាំរបស់ Zidane ហើយបានអភិវឌ្ឍន៍ខ្លួនក្លាយជាកីឡាករលេងជម្រើសដំបូងកាលពីពាក់កណ្ដាលចុងក្រោយរដូវកាលមុន បន្តរហូតដល់រដូវកាលនេះ។ រដូវកាល២០១៧-១៨ នេះ Isco រកបាន៤គ្រាប់និងបញ្ជូនបាល់បាន៣ដងក្នុងពាន La liga។
អ្វីដែលលើសពីនេះទៀតនោះ Isco បានជួយ Real Madrid ជាច្រើនក្នុងរដូវកាលក្រោយពេល Ronaldo ធ្លាក់ Form។ អញ្ចឹងហើយបានជា Alba មិត្តរួមក្រុមជម្រើសជាតិអេស្ប៉ាញដូចគ្នា បានសរសើរផងបង្អាប់ផងនូវទម្រង់លេងនេះដោយសរសើរពីទម្រង់លេងនៅជម្រើសជាតិអេស្ប៉ាញ តែបង្អាប់ទម្រង់លេងនៅ Real Madrid ។
“ ការប្រៀបធៀបវាពិតជាមិនដែលល្អនោះទេ ។ខ្ញុំធ្លាប់ស្គាល់គាត់ជាច្រើនឆ្នាំមកហើយ” Alba បាននិយាយទៅកាន់អ្នករាយការណ៍ព័ត៌មាន។
“គាត់មានកម្រិតនៃទម្រង់លេងល្អបំផុតនៅក្នុងពិភពលោក ប៉ុន្តែ ខ្ញុំមិនចង់ឃើញគាត់លេងល្អបែបនេះនៅ Madrid នោះទេ។ គ្រាប់យ៉ាងដែលអ្នកអាចឃើញអំពីគាត់គឺល្អ។ យើងបានចំណាយពេលនៅ Valencia ហើយខ្ញុំពិតជាស្គាល់គាត់ច្បាស់”។
អេស្ប៉ាញនឹងត្រូវជួបក្រុម ជម្រើសជាតិកូស្ការីការក្នុងលក្ខណៈមិត្តភាពអន្តរជាតិ វេលាម៉ោង៣និង៣០នាទីទៀបភ្លឺ ខណៈកីឡាករទាំងពីរមានឈ្មោះត្រូវលេងក្នុងប្រកួតនេះផងដែរ៕
