Alvaro Morata បានព្រមាន Chelsea អំពីការពិបាកបញ្ឈប់ Lionel Messi ក្នុងការប្រកួត Champions League វគ្គ១៦ក្រុមចុងក្រោយ។
ក្រុមម្ចាស់ជើងឯក Premier League 2017 តោខៀវនឹងទទួលភ្ញៀវ Barcelona ក្នុងការប្រកួតវគ្គ១៦ក្រុមចុងក្រោយពាមរង្វាន់ Champions League ជើងទីមួយនៅថ្ងៃទី២០កុម្ភៈ ប៉ុន្តែក្រុមរបស់លោក Antonio Conte ត្រូវតែជឿជាក់ថាអាចទប់និងទទួលបានលទ្ធផលល្អពេលជួបក្រុមកំពូលតារាង La liga។
អតីតខ្សែប្រយុទ្ធ Real Madrid កីឡាករ Alvaro Morata បាននិយាយថាក្រុមរបស់គាត់នឹងប្រឈមមុខជាមួយនឹងការប្រកួតប្រជែងដ៏ធំមួយ គឺព្យាយាមតាមបិទខ្សែប្រយុទ្ធជម្រើសជាតិអាហ្សង់ទីន ដែលរកបាន២៧គ្រាប់ពានរង្វាន់ក្នុងរដូវកាលនេះ។
Morata និយាយក្នុងទស្សនាវដ្ដី Movista+ថា៖” Messi មិនអាចនរណាបញ្ឈប់បានទេ។ បើយើងទទួលបានលទ្ធផលនៅទីនេះ យើងត្រូវលេងទម្រង់បែបការពារច្រើនបន្តិច ជាមួយនឹងចន្លោះដែលមានហើយព្យាយាមរំខានពួកគេឲ្យបានច្រើនតាមតែអាចធ្វើបាន”។
Morata បានចាកចេញពី Real Madrid ក្នុងតម្លៃខ្លួនប្រហែល៦០លានផោនប ន្ទាប់ពីមិនបានជាប់ជម្រើសដំបូងនៅកីឡដ្ឋាន Santiago Bernabeu៕
