លោក Jose Mourinho មានការខកចិត្តកាន់តែខ្លាំងឡើងៗនៅ Manchester United ហើយគាត់អាចនឹងចាកចេញពីក្លឹបនេះ បើតាមប្រភពពីប្រទេសអង់គ្លេស។
ក្រុមបិសាចក្រហមមានលទ្ធផលសមប្រកបជាងរដូវកាលមុនក្នុង Premier League រដូវកាលនេះដោយឈរលេខ២ក្នុងតារាងតាមពីក្រោយ Man city ហើយមិនតាន់ស្គាល់ចាញ់នៅឡើយ។បែបនេះក្ដី! The Daily record បានសន្និដ្ឋានថា ការមិនសប្បាយចិត្តនេះ មិនមែនមកពីបញ្ហានៅ Old Trafford ទាំងអស់នោះទេ គឺគ្រូបង្វឹកព័រទុយហ្គាល់មិនសប្បាយចិត្តជាមួយអនុប្រធានក្លឹបលោក Ed Woodward។
ប្រភពខាងលើបន្តថា លោក Mourinho បានបាត់បង់ជំនឿលើការផ្ដល់មូលនិធិនិងការគ្រប់គ្រងក្លឹបរបស់លោក Woodward ដែលអាចធ្វើឲ្យគ្រូបង្វឹកវ័យ៥៤ឆ្នាំបដិសេធការផ្ដល់កិច្ចសន្យាថ្មី។ គ្មានការពិភាក្សាបន្តកិច្ចព្រមព្រៀងជាថ្មីលើកុងត្រាចាស់រយៈពេល៣ឆ្នាំនៅOld Trafford នោះទេហើយអតីតគ្រូបង្វឹកReal Madrid និងChelsea ត្រូវបានគេដឹងថានឹងអាចប្ដូរទៅកាន់តួនាទីនៅParis។
លោកធ្លាប់បាននិយាយក្នុង Telefoot ថា៖ រឿងមួយដែលខ្ញុំអាចនិយាយគឺថា ខ្ញុំនៅតែជាគ្រូបង្វឹកនៅទីនេះ ជាមួយនឹងការបារម្ភ មហិច្ឆតា ការស្រឡាញ់នូវអ្វីដែលថ្មី។ ខ្ញុំជឿថាជាក់ថាខ្ញុំនឹងមិនបញ្ចប់អាជីពនៅManchester United នោះទេ។”
“ កូនប្រុសរបស់ខ្ញុំដែលរស់នៅទីក្រុងឡុងដុងបានទៅទីក្រុងប៉ារីសទៅមើល ការប្រកួត Paris saint-Germainហើយគាត់អត់មក Manchester ទេ។ ហេតុអ្វីគាត់ទៅParis? ដោយសារតែមានអ្វីពិសេស។ គុណភាព សិល្បៈ យុវជនថ្នាលនៅទីនោះគឺពិតជាអស្ចារ្យ”។
