ខ្សែប្រយុទ្ធ Real Madrid កីឡាករ Karim Benzema មិនបានបណ្ដោយឲ្យអ្នកគាំទ្រនិយាយពីគាត់តាមចិត្តនោះទេដោយសម្ដីចុងក្រោយរបស់គាត់បានវាយបកទៅអ្នកទាំងនោះថា៖” មនុស្សធម្មតាតែងតែរិះគន់កីឡាករដ៏អស្ចារ្យ។
និយាយទៅសឹងតែពេញមួយរដូវកាលនេះ Benzema អាចនិយាយបានថារដូវកាលដ៏អន្ធការរបស់ខ្លួននៅ Real Madrid ដោយរកបានត្រឹមតែ៥គ្រាប់ក្នុងការបង្ហាញខ្លួន២៦ប្រកួតក្នុងLa liga ។ តួរលេខនេះពិតជាអាក្រក់បើគិតប្រៀនធៀបជាមួយ Casemiro ដែលលេងក្នុងតំបន់បម្រើ លេងតិចប្រកួតជាងនិងរកបានគ្រាប់បាល់ប្រហាក់ប្រហែលគ្នា។
អញ្ចឹងក៏ដោយខ្សែប្រយុទ្ធសញ្ជាតិបារាំងមិនបានខ្វល់គិតទៅលើការរិះគន់នាពេលកន្លងមកទោះបីជាទម្រង់លេងពិបាកភ្នែកមើលប៉ុន្តែគាត់កំពុងយកចិត្តទុកដាក់លើការប្រកួតនិងជួយក្រុមតាមតែអាចធ្វើបានទាន់ពេលដែលលោក Zidane ផ្ដល់ទំនុកចិត្ត។
5 – Karim Benzema has scored five goals in La Liga this season, only one more than Málaga’s top scorers in this campaign (Diego Rolan and Gonzalo Castro, four). Test. pic.twitter.com/EY2o7eMswA
— OptaJose (@OptaJose) April 15, 2018
“ ខ្ញុំលេងបាល់ទាត់ហើយខ្ញុំព្យាយាមជួយមិត្តរួមក្រុមដើម្បីឈ្នះគ្រប់យ៉ាង។ អ្វីដែលខ្ញុំមិនចូលចិត្តគឺពេលដែលមនុស្សវាយប្រហារខ្ញុំពេលដែលខ្ញុំលេងល្អ ទោះបីជាខ្ញុំមិនបានរកគ្រាប់បាល់ក៏ដោយ។ខ្ញុំលេងសម្រាប់មនុស្សដែលផ្ដល់តម្លៃដល់អ្វីដែលខ្ញុំបង្ហាញលើទីលាន”។
“ពួកគេទាំងនោះមកទីលានដើម្បីតែស្រែកឌឺដង ឲ្យពួកគេឌឺដងចុះ ខ្ញុំនឹងធ្វើឲ្យពួកគេភ្លឺភ្នែក។ មនុស្សធម្មតាតែងតែរិះគន់កីឡាករអស្ចារ្យ។ពួកយើង(កីឡាករបាល់ទាត់)លក់កាសែត។ ខ្ញុំមិនចាំបាច់អានអត្ថបទដែលនិយាយក្នុងសន្និសីទកាសែតពេលដែលខ្ញុំលេងមិនល្អ”៕
