ខ្សែបម្រើ James Rodriguez បានបង្ហើបថា Bayern Munich ដឹងច្បាស់ពីរបៀបលេងជាមួយ Real Madrid ហើយខណៈដែលពេលនេះពួកគេកំពុងផ្ដោតសំខាន់លើការជួបគ្នាក្នុង Champions Leagueវគ្គពាក់កណ្ដាលផ្ដាច់ព្រ័ត្រ។
ក្រុមទាំងពីរឡើងមកដល់វគ្គនេះទាំងមានទំនុកចិត្តរៀងៗខ្លួន ប៉ុន្តែ James ដែលជាកីឡាកររបស់ Real Madrid ត្រូវលេងខ្ចីជើងនៅBayern គិតថាអាល្លឺម៉ង់នឹងមានប្រៀបជាងក្រុមលោក Zidane ក្នុងពេលនេះ ខណៈក្រុមអេស្ប៉ាញមួយនេះធ្លាប់បានទម្លាក់ក្រុមអាល្លឺម៉ង់ក្នុងវគ្គ៨ក្រុមចុងក្រោយកាលពីឆ្នាំមុន។
និយាយទល់នឹងជំនួបនៅថ្ងៃទី២៥មេសាJames បាននិយាយក្នុងកាសែត TZ ថា៖” យើងមិនគួរបណ្ដោយឲ្យការប្រកួតនេះក្លាយជាជំនួបសងសឹកសម្រាប់ការចាញ់កាលពីឆ្នាំមុននោះទេ ប៉ុន្តែការឈ្នះ២ប្រកួត ដើម្បីឡើងទៅវគ្គផ្ដាច់ព្រ័ត្រ”។
“ Real Madrid មានទម្រង់លេងក្នុង Champions League ខុសពី La Liga ដែលនេះគឺជាអ្វីដែលពួកគេល្អបំផុត។ ពួកគេដឹងច្បាស់ថា ត្រូវធ្វើយ៉ាងណាដើម្បីឈ្នះឲ្យបានរាល់ឆ្នាំ ប៉ុន្តែ Bayern មិនត្រូវលាក់បាំងមហិច្ឆតារបស់ខ្លួននោះទេ។ ប្រវត្តិសាស្ត្របង្ហាញថា Bayern ដឹងពីពីរបៀបលេងទល់នឹង Real Madrid ”៕
