Namanja Matic និយាយថលោក Jose Mourinho ជាមនុស្សពិបាកធ្វើជាមួយខ្លាំងណាស់ ពីព្រោះតែលោកចង់បានខ្លាំងពីក្រុមកីឡាកររបស់ Manchester United ទាំងអស់។
គ្រូបង្វឹកក្រុមបិសាចក្រហមបានរិះគន់ជាសាធារណៈ ទៅលើកីឡាកររបស់គាត់ក្រោយឈ្នះក្រុម Brighton ដោយលទ្ធផល២ទល់០ក្នុងពាន FA Cup។ ការរិះគន់នេះកើតឡើងក្រោយពេលក្រុមរបស់លោកបានធ្លាក់ចេញពីពាន Champions League ដោយសារក្រុម Sevilla កាលពីប៉ុន្មានថ្ងៃមុន។
Matic ធ្លាប់ធ្វើការជាមួយលោកJose Mourinho កាលនៅChelsea ហើយកីឡាករម្នាក់នេះក៏ជាកីឡាករប្រកបដោយក្រេឌីតខ្ពស់លោកគ្រូបង្វឹកព័រទុយហ្គាល់ក្នុងជ័យជម្នះកាលពីថ្ងៃសៅរ៍ផងដែរ។
“ ពិបាកណាស់ដែលធ្វើការជាមួយគាត់ព្រោះគាត់តែងតែចង់បានច្រើនៗ ច្រើនហើយ!ច្រើនទៀត”ខ្សែបម្រើជម្រើសជាតិសែប៊ីនិយាយក្នុងកាសែត Metro។
“ ទោះបីជាអ្នកឈ្នះពានលីគក៏ដោយ គឺគាត់ចង់ឲ្យអ្នកឈ្នះម្ដងទៀតនៅឆ្នាំក្រោយ គាត់ហ្នឹងគឺអញ្ចឹង! ហើយកីឡាករត្រូវតែចាំបាច់ត្រៀមឲ្យហើយ”។
“ គាត់ពិសេសណាស់! ចង់បានតែការឈ្នះ ពេលដែលចាញ់គាត់គាត់អត់ទទួលស្គាល់ នេះគឺជាមូលហេតុដែលគាត់ឈ្នះពានជាង២០គ្រឿងក្នុងអាជីពរបស់គាត់។ដើម្បីឈានដល់កម្រិតនេះ នៅ Manchester United ក៏ដូចកាលលេងនៅ Chelsea កីឡាករត្រូវតែរួចរាល់ពីព្រោះសម្ពាធធំណាស់។ មនុស្សគ្រប់គ្នាចង់ឈ្នះគ្រប់ប្រកួត តែវាមិនអាចទេប៉ុន្តែអ្នកគាំទ្រតែងតែរំពឹង។វាមិនមែនជាបញ្ហាទេ ពេលអ្នកហត់ឬក៏អត់ អ្នកគាំទ្រចង់បានគុណភាពខ្ពស់ក្នុងការលេង”៕
