គ្រូបង្វឹក Manchester United លោក Jose Mourinho បានទទូចថា ក្រុមរបស់លោកបានត្រៀមខ្លួនរួចហើយ ក្នុងការប្រជែងពានរង្វាន់ Premier League ក្រោយពេលអស់ពាន UEFA Super Cup ក្រោមដៃ Real Madrid កាលពីយប់មិញ។
United ទទួលរងបរាជ័យក្នុងលទ្ធផល២-១ ក្នុងទីក្រុង Skopje ប៉ុន្តែគ្រូបង្វឹកសញ្ជាតិព័រទុយហ្គាល់ បាននិយាយថាកីឡាកររបស់លោក ត្រៀមខ្លួនជាស្រេច និងធ្វើគ្រប់បែបយ៉ាងដើម្បីឈ្នះ ពេលពួកគេជួបក្រុមញញួរធំ West Ham នៅថ្ងៃអាទិត្យ។ លោកបានពន្យល់អ្នកកាសែតដូចនេះ៖” បាទ! យើងសម្រាកនៅថ្ងៃស្អែក ហើយនៅថ្ងៃបន្ទាប់យើងចាប់ផ្ដើមហ្វឹកហាត់ ហើយយើងនឹងធ្វើគ្រប់យ៉ាង”។
Mourinho បាននិយាយសរសើរក្រុមកីឡាកររបស់លោកថា៖” ខ្ញុំពិតជារីករាយដែលបានក្លាយជាអ្នកដឹកនាំកីឡាករទាំងអស់នេះ។ ខ្ញុំបានប្រាប់ពួកគេកាលពីប៉ុន្មានថ្ងៃមុនថា អំឡុងពេលធ្វើការក្នុងអាជីពនេះ អស់រយៈពេលយ៉ាងយូរមក ខ្ញុំមិនដែលមាន ក្រុមណាមួយដែលខ្ញុំចូលចិត្ត និងស្រឡាញ់ដូចពួកគេនេះទេ។”
“ ខ្ញុំពិតជារីករាយដែលនៅជាមួយពួកគេ ហើយខ្ញុំនឹងសហការប្រយុទ្ធជាមួយពួកគេ គ្រប់សមរភូមិបាល់ទាត់។ ដូច្នេះចូរមើលនៅថ្ងៃអាទិត្យ ហើយ Old Trafford កំពុងរងចាំពួកយើងហើយខ្ញុំគិតថា Old Trafford មានហេតុផលមួយនៅពីក្រោយពួកយើង”។
តើ Man Utd អាចក្លាយជាក្រុមប្រកួតប្រជែងយកពាននៅរដូវកាលនេះដែរឬទេ?
ប្រភព៖ Besoccer
