យោងតាមការរាយការណ៍ពីប្រទេសអ៊ីតាលីបានចេញផ្សាយថា Juventus បានចុះកុងត្រាផ្ទេរយកខ្សែបម្រើ Douglas Costa ជាផ្លូវការពី FC Bayern Munich ក្នុងតម្លៃ៣៥,២លានផោន ក្រោយខ្ចីជើងបាន១រដូវកាល។
តាមប្រភពដដែលបានបន្ថែមទៀតថា សមាជិកក្រុមសាំបាប្រេស៊ីលបានចុះកុងត្រាចំនួន៤ឆ្នាំជាមួយក្រុមរហស្សនាមសេះបង្កង់។
គួររំលឹកថា ក្នុងការបង្ហាញខ្លួន១ឆ្នាំនៅអ៊ីតាលី Costa រកបាន៤គ្រាប់ និងបញ្ជូនបាល់ឲ្យមិត្តរួមក្រុមស៊ុតបញ្ចូលទី១៤ដង ឲ្យក្រុមលោក Massimiliano Allegri ដោយបានឈ្នះពាន Serie A និងពាន Coppa Italia ផងដែរ។
