James Rodriguez បានជឿថាមិត្តរួមក្រុមជម្រើសជាតិកូឡុំប៊ី Yerry Mina គឺជាខ្សែការពារល្អជាងគេបំផុត ក្នុងចំណោមខ្សែការពារល្អនៅក្នុងពិភពលោក។
កីឡាករនាំលេងជម្រើសជាតិកូឡុំប៊ី កំពុងលេងក្នុងលក្ខខ័ណ្ឌខ្ចីជើងនៅ Bayern Munich ហើយរូបគេបាននិយាយសរសើរមិត្តរួមក្រុមជម្រើសជាតិ Yerry Mina ដែលទើបចុះកុងត្រាជាមួយ Barcelona ថាជាកីឡាករមានថាមពលហើយនឹងមានអនាគតជោគជ័យយូរអង្វែងនៅក្នុងអាជីពបាល់ទាត់។
និយាយក្នុងកាសែតអេស្ប៉ាញមួយ កីឡាករវ័យ២៥ឆ្នាំបានពោលដូច្នេះ៖” Mina នឹងក្លាយជាខ្សែការពារកណ្ដាលល្អជាងគេបំផុតក្នុងពិភពលោក។ គាត់មានធ្វើឲ្យមនុស្សជាច្រើនភ្ញាក់ផ្អើល។ គាត់បានទទួលសំណើជាច្រើនដងពី Barcelona “។
កីឡាករចំណូលថ្មីរបស់ Barceona រូបនេះ បានបង្ហាញខ្លួនឲ្យជម្រើសជាតិកូឡុំប៊ីបាន៩ប្រកួតហើយបច្ចុប្បន្ន រូបគេត្រូវបានគេចាត់ទុកថាជាកីឡាករវ័យក្មេងអនាគតល្អរបស់ប្រទេស៕
