Isco បានចាកចេញពីក្លឹបមួយនេះកាលពីឆ្នាំ២០១៣មកលេងនៅក្លឹបបច្ចុប្បន្ន Real Madrid ប៉ុន្តែរូបគេនៅតែមានទំនាក់ទំនងនិងក្ដីអាឡោះអាល័យទៅកាន់អតីតក្លឹបរបស់ខ្លួនដោយការផ្ញើសារដ៏រំជួលចិត្តមួយ តាមបណ្ដាញសង្គមពីការធ្លាក់ចេញពីលីក La Liga។
រជ្ជកាលឈរជើងនៅលីកកំពូលរបស់ Malaga ត្រូវបានបញ្ចប់ហើយធ្លាក់ទៅលីកទី២បន្ទាប់ពីចាញ់ Levate ១ទល់០កាលពីថ្ងៃព្រហស្បតិ៍ហើយក្លឹបមួយនេះបានក្លាយជាក្លឹបដំបូងគេធ្លាក់ចេញទៅលេងលីកទី២មុនគេក្នុងចំណោមលីកកំពូលតាំង៥នៅអឺរ៉ុប។
នេះមានន័យថា Malaga គ្មានវត្តមានប្រកួតប្រជែងនៅ La liga រដូវកាលក្រោយជាលើកដំបូងក្នុងរយៈពេល១០ឆ្នាំ។ អញ្ចឹងក៏ដោយអតីតកីឡាកររបស់ខ្លួន Isco ជឿថា Malaga នឹងត្រឡប់មកវិញដោយភាពខ្លាំងក្លា។
El sentimiento nunca muere , esté donde esté, volveremos , siempre lo hacemos hoy y siempre… https://t.co/rDwp1G5RDr
— ISCO ALARCON (@isco_alarcon) April 19, 2018
និយាយក្នុងបណ្ដាញសង្គមInstagram, Isco បានផុសរូបភាពខ្លួនឯងមួយសន្លឹកកាលធ្លាប់លេងនៅក្លឹបមានមូលដ្ឋាននៅភាគខាងត្បូងប្រទេសអេស្ប៉ាញជាមួយនឹង Captionដូច្នេះ៖ អារម្មណ៍ស្រឡាញ់ដែលមិនស្លាប់ទេ មិនថាអ្នកនៅទីណា យើងនឹងត្រឡប់មកវិញ យើងនឹងធ្វើចាប់ពីថ្ងៃនេះទៅហើយបន្តធ្វើរហូត”។
កាលនៅលេងក្លឹបមួយនេះIsco បង្ហាញខ្លួនបាន៨២ប្រកួតចន្លោះឆ្នាំ២០១១ដល់២០១៣រកបាន១៧គ្រាប់ផងដែរ៕
