តារាញាក់បាល់របស់ Real Madrid កីឡាករIsco ត្រូវបានគេរាយការណ៍ថារីករាយនឹងមកលេងនៅ Manchester United ក្នុងរដូវកាលក្រោយនេះ បើសិនណាលោក Zidane ពិតជាចង់លក់គាត់ចេញមែន។
រូបគេបានកំណត់គោលដៅមកអង់គ្លេស ហើយក្លឹបដែលមានភាគរយខ្ពស់គឺ Manchester United និង Manchester City ខណៈដែលក្លឹបទាំងពីរនេះ ក៏មានទំនាក់ទំនងធ្វើការផ្ទេរកីឡាករវ័យ២៥ឆ្នាំរូបនេះផងដែរ។
កាសែតអេស្ប៉ាញ Don Ballon និយាយថាប្រសិនបើ Isco ត្រូវបានលក់ដោយ Real Madrid, កីឡាកររូបនេះ នឹងចាប់អារម្មណ៍មកលេងនៅ Manchester United។ ពេលនេះបិសាចក្រហមកំពុងតែធ្វើការកែប្រែ និងពង្រឹងក្លឹបសម្រាប់លើកពាននៅរដូវកាលក្រោយ។
United បានចំណាយលុយ២០០លានផោនហើយក្រោមការដឹកនាំរបស់Jose Mourinho ប៉ុន្តែលើសពីនេះទៀតនោះ ការចង់បានបន្ថែមនៅតែមាន បើក្លឹបពិតជាចង់លើកពាន Premier League ខណៈដែលខ្លួនខកខានអស់៥ឆ្នាំហើយនោះ។
ចំណែកកីឡាករ Man Utd មួយចំនួនក៏អាចនឹងចាកចេញដែរពិសេស Carrick (ចូលនិវត្តន៍) Fellaini និង Pogba ក៏មានដំណែងពីការមិនចង់នៅ Man Utd ដែរ៕
