អតីតខ្សែប្រយុទ្ធក្រុមកាំភ្លើងធំ Arsenal និង Barcelona កីឡាករ Thierry Henry ជឿថា Lionel Messi អាចឈានទៅដល់កម្រិតខ្ពស់បំផុត ជាមួយនឹងការលេងដ៏ល្អរបស់ខ្លួន ពិសេសបង្កើនទម្រង់លេងល្អជាងនេះទៀត។
ទោះបីជាស្ថិតក្នុងស្ថានភាពមួយមិនសូវល្អសម្រាប់ Barcelona ប៉ុន្តែអតីតកីឡាករជម្រើសជាតិបារាំងរូបនេះ បាននិយាយសរសើរកីឡាករជម្រើសជាតិអាហ្សង់ទីនថា៖” ចិត្តជម្នះចង់លេងគ្រប់ប្រកួត ការហ្វឹកហាត់ខ្លាំង និងធ្វើការធ្ងន់របស់ Messi នឹងធ្វើឲ្យគាត់កាន់តែខ្លាំង។ ពេលនេះគាត់បង្កើតការរកគ្រាប់បាល់បានច្រើនហើយខ្ញុំគិតថាមនុស្សមិនអាចនិយាយអស់ពីអ្វីដែលគាត់បានធ្វើចំពោះមិត្តរួមក្រុមនោះទេ” Hery និយាយក្នុងទូរទស្សន៍ BarcaTV។
“ការអភិវឌ្ឍន៍ទម្រង់លេងរបស់ Messi មិនទាន់ហួសពេលនៅឡើយទេ។ គាត់ជាកីឡាករដ៏អស្ចារ្យ” លោកបានបន្ត។
សូមបញ្ជាក់ផងដែរ ! Barcelona ទើបតែបានយកឈ្នះ Juventus ២-១ក្នុងការប្រកួតពានមិត្តភាពមិនបើករដូវកាលInternational Champions Cup ក្រោមការដឹកនាំរបស់ Ernesto Valverde ៕
ប្រភព៖ besoccer
