អតីតខ្សែបម្រើក្លឹប Real Madrid លោក Guti និយាយថា Neymar គួរតែមកចូលរួមក្លឹបណាមួយ ដែលមានកម្រិតខ្ពស់ជាងគេបំផុតបើគេចាកចេញពី Paris saint-Germain។
ប្រធានក្រុមប្រេស៊ីលរូបនេះត្រូវបានគេដឹងថាមានទំនាក់ទំនងធ្វើការផ្ទេរមកលេងនៅក្លឹបម្ចាស់ជើងឯក Champions League ក្រោយពេលបរាជ័យក្នុងរស់នៅប្រទេសបារាំង ទោះក្រោយផ្ទេរចេញពី Barcelona ក្នុងតម្លៃ២២២លានអឺរ៉ូក៏ដោយ។
Guti ពេលនេះ កំពុងបង្វឹកក្រុមយុវជនថ្នាលរបស់ស្ដេចសជឿថា Santiago Bernabeu គឺជាកន្លែងដែលសាកសមបំផុតសម្រាប់ Neymar ប្រសិនបើរូបគេសម្រេចចិត្តចង់ចាកចេញពី Ligue 1។
“សង្ឃឹមថាគាត់នឹងពាក់សរបស់ Madrid ក្នុងពេលអនាគត។ ប្រសិនបើគាត់ចង់ឲ្យទម្រង់លេង និងគុណតម្លៃរបស់គាត់ខ្ពស់ជាងនេះទៀតនោះ មានតែ Real Madrid ទេដែលអនុញ្ញាតអាចឲ្យតម្លៃនេះបាន” Guti និយាយក្នុងកាសែត Cadena Ser។
“ទីបញ្ចប់ គាត់ជាកីឡាករសំខាន់នៅ Barcelona ហើយពេលនេះគាត់ក៏ជាកីឡាករជួរមុខនៅ PSG ប៉ុន្តែបើអ្នកពិតជាចង់ឃើញគាត់ក្នុង Champions League ពាន Ballond’Or ទាំងអស់ដែលគាត់មិនទាន់មានគឺនៅ Real Madrid ”៕
