កីឡាការិនីវ័យចាស់របស់ជម្រើសជាតិអាមេរិក Carlos Lloyd បានរកគ្រាប់បាល់ទី១០០របស់ខ្លួនក្រោយក្រុមជម្រើសជាតិអាមេរិកបានយកឈ្នះក្រុមបាល់ទាត់នារីមិកស៊ិក៦ទល់២ក្នុងការប្រកួតមិត្តភាពមួយកាលពីយប់មិញ។
កីឡាការិនីវ័យ៣៥ឆ្នាំបានរកគ្រាប់បាល់មួយគ្រាប់បើកឆាកក្រោយញាក់ដាច់អ្នកចាំទីជម្រើសជាតិមិកស៊ិកហើយត្រឹមតែ៣៤នាទីក្នុងវគ្គទី១ក្រុមនារីអាមេរិកធ្វើការនាំមុខដល់ទៅ៣ទល់២ក្នុងកីឡដ្ឋាន Houston’s BBVA Compass Stadium។
នេះជាការបង្ហាញខ្លួនលើកទី២៥២ប្រកួតឲ្យម្ចាស់ជើងឯកពិភពលោកផ្នែកនារីហើយគ្រាប់បាល់នេះក៏បានធ្វើឲ្យនាងក្លាយជាកីឡាការិនីទី៦ដែលរកបានគ្រាប់បាល់បាន១០០គ្រាប់ក្នុងជម្រើសជាតិ។
១០០គ្រាប់នៅតាមពីក្រោយកីឡាការិនី Abby Wambach(១៨៤), Mia Hamm (១៥៨), Kristine Lilly (១៣០), Michelle Akers (១០៧)និង Tiffeny Milbrett (១០០)។ ក្រោយចប់ការប្រកួតកំពូលខ្សែប្រយុទ្ធនាទីរបស់ពិភពលោករូបនេះបាននិយាយថា៖” វាពិតជាឆ្កួតណាស់! ការធ្វើដំណើរដ៏វែងមួយរបស់ខ្ញុំ។ វាពិតជាការផ្សងព្រេងដ៏អស្ចារ្យរបស់ខ្ញុំ”។
ក្នុងចំណោម៦គ្រាប់នេះស្រីស្រស់កំពូលស៊ុត Alex Morgan ក៏រកបាន២គ្រាប់ផងដែរក្នុងការប្រកួតមិត្តភាពនេះហើយខាងក្រោមជាវីដេអូហាយឡាយ៖
[youtube id=”z8M-Q6ZkdZ8″]
