នៅក្នុង​ការប្រកួត​ពានរង្វាន់​​ FIFA Club World Cup 2017 ​នៅ​ក្នុង​កីឡដ្ឋាន ​Zayed Sport City Stadium ​ដោយ​ម្ចាស់ជើង​ឯក​ទ្វីបអឺរ៉ុប ​Real Madrid បានយកឈ្នះក្រុមខ្លាំងមកពីអារ៉ាប់រួម Al-Jaziraយ៉ាង​តឹង​តែង​ក្នុង​លទ្ធផល ​2-1។

នៅ​ក្នុង​វគ្គ​ទីមួយ ​ក្រុម​ម្ចាស់​ផ្ទះ Al-Jaziraធ្វើ​សម្រេច​បាន​មួយ​គ្រាប់​ដោយ​កីឡាករ ​Romarinho​នៅ​នាទី​ទី​41​  ខណៈ​ក្រុម​ភ្ញៀវ​ខិត​ខំបង្កើត​ឱកាស​ដែរ ប៉ុន្តែ​នៅ​តែ​មិន​បាន​សម្រេច​។ រហូតចូល​ដល់​វគ្គទី​ពីរបាន 8 នាទីក្រុមភ្ញៀវអធិរាជស Real Madrid​ រក​បាន​មួយ​គ្រាប់​ដោយ​កីឡាករ​ Cristiano Ronaldo​នៅនាទី​ 53។​ហើយ​ក៏បន្ត​ធ្វើការ​វាយលុក​កាន់​តែខ្លាំង​ឡើង​នឹងធ្វើបាន​សម្រេច​មួយ​គ្រាប់​ទៀត​នៅ​នាទី 81 ដោយកីឡាករ Gareth Bale​ដែល​ទើប​តែ​ប្ដូរ​ចូល​ជំនួស​ Karim Benzema។

ជ័យ​ជំនះ​នេះ​បាន​ធ្វើ​ឲ្យ​​ Real Madrid​ មានឱកាស​ឡើង​ទៅ​វគ្គ​ផ្ដាច់ព្រាត់​ដោយ​ត្រូវ​ជួបជា​មួយក្រុម​ Grêmio​ នៅ​ថ្ងៃ ១៦​ ខែធ្នូ ​ឆ្នាំ ២០១៧ ​ខាងមុខ​នេះ៕

[youtube id=”EDBikEAtrwI”]