Manchester United ត្រូវបានអតីតកីឡាករជម្រើសជាតិអង់គ្លេសនិងវីរបុរស Chelsea លោក Frank Lampard ចាត់ទុកជាក្លឹបមួយជាគូប្រជែងធំបំផុត ក្នុងឈ្នះពានPremier League ។នេះបើតាមសម្ដីរបស់គាត់និយាយក្នុងវិទ្យុ talkeSPORT។
អតីតខ្សែបម្រើក្លឹបតោខៀវរូបនេះ បានចំណាយពេលមួយរដូវកាលជាមួយក្រុមសំពៅខៀវ មានអារម្មណ៍ថាក្រុមរបស់លោក Pep Guardiola ពិតជាបានពង្រឹងកីឡាករបានច្រើន ហើយពួកគេនឹងប្រកួតប្រជែងខ្លាំងជាមួយក្រុមរបស់លោក Antonio Conte ក្នុងការការពារដំណែងជើងឯក។
បែបណាក្ដី Lampard ក៏បានសង្កត់ធ្ងន់បន្ថែមថា Manchester United និង Tottenham ក៏ជាបញ្ហាដល់អតីតក្រុមរបស់លោកដែរក្រោយ ពួកគេពង្រឹងក្រុមជាថ្មីនិងទទួលបានលទ្ធផលល្អក្នុងការប្រកួតមុនបើករដូវកាល។ គាត់បាននិយាយទៅកាន់ Weekend Sport Breakfast យ៉ាងដូច្នេះ៖” វាពិតជាឆ្នាំមួយដ៏ពិបាកប៉ុន្តែខ្ញុំគិតថាMan City គឺជាបញ្ហាធំជាងគេ។ ពួកគេបានត្រឹមខកចិត្តកាលពីរដូវកាលមុន ប៉ុន្តែពួកគេនឹងត្រឡប់មកវិញដោយភាពខ្លាំង។”
“ អ្នកបានឃើញសញ្ញាវិជ្ជមានខ្លះៗ ក្នុងការប្រកួតបើករដូវកាល ពីរបៀបដែលពួកគេលេង។ នៅលើក្រដាសពួកគេកំពុងបង្ហាញភាពភ្ញាក់ផ្អើលកាន់តែខ្លាំង។ ដូច្នេះខ្ញុំគិតថាពួកគេនឹងជាក្រុមមួយដែលប្រកួតប្រជែងខ្លាំងបំផុតនៅPremier League” Lampard បន្ថែម។
លោកបានបន្ត “ Manchester Utd ក៏មិនណយដែរហើយលោកJose Mourinho កំពុងសាងសង់ក្រុមមួយហើយអ្នកពិតជាដឹងថាពួកគេត្រូវការអី។ខ្ញុំគិតថាពួកគេនឹងរះម្ដងទៀត។ Spurs ពិតខ្លាំង ទោះបីមិនបានទិញចូលកីឡាករល្អក្ដីតែពួកគេមិនស្រុតចុះនោះទេ។រដូវកាលក្រោយមានតែក្លឹបទាំងបួននេះប៉ុណ្ណោះដែលប្រកួតប្រជែងខ្លាំងជាងគេ”៕
