ពេលនេះព័ត៌មាន Man Utd ចង់ចុះកុងត្រាជាមួយ Bale បានបាចសាចពេញពិភពលោកទៅហើយៗ អ្វីដែលកាន់តែកក្រើកទៀតគឺលោក Jose Mourinho បានបង្ហើប ពីបំណងរបស់គាត់ ថាពិតជាចង់បាន Bale មកលេងនៅ Man Utd ពិតមែន។
Manchester United នឹងត្រូវជួប Real Madrid ក្នុងពាន European Super Cup នៅយប់ថ្ងៃអង្គារនេះ ខណៈគ្រូបង្វឹកសញ្ជាតិព័រទុយហ្គាល់ បានព្រលយពាក្យថាប្រសិនកីឡាករវ័យ២៨ឆ្នាំ មិនស្ថិតក្នុងគម្រោងរបស់ Zidane ទេនោះ ក្លឹបយក្សអង់គ្លេសនឹងចូលខ្លួនមកចែចូវ។
“បើ Bale ចូលលេងនៅថ្ងៃស្អែកយើង មិនគួរព្យាយាមទេដោយសារតែគាត់ស្ថិតក្នុងគម្រោងរបស់ Madrid ប្រសិនបើគាត់មិនចូលលេងទេ ខ្ញុំនឹងប្រកួតប្រជែងជាមួយក្រុមទៃទៀត ដើម្បីចុះកុងត្រាគាត់។ បើ Bale ស្ថិតក្នុងផ្លូវដែលត្រូវចាកចេញ ខ្ញុំនឹងរងចាំគាត់នៅត្រើយម្ខាង”។
អ្វីៗហាក់មិនទាន់ច្បាស់នៅឡើយទេដោយសារខាង Real Madrid មិនបាននិយាយអ្វីទាំងអស់ តែអ្វីដែលច្បាស់ដូចលោក Joseនិយាយមែននោះមានតែរងចាំមើលការប្រកួតថាតើ Bale ចូលលេងក្នុងការប្រកួតមួយនេះដែរឬទេ?
