Mohamed Salah បានក្លាយជាកីឡាករលេងល្អគួរឲ្យចាប់អារម្មណ៍ក្នុង Premier League រដូវកាលនេះដោយរកបាន១៩គ្រាប់ក្នុងចំណោម២៤ប្រកួតឲ្យ Liverpool។
Liverpool បានសម្រេចចិត្តចុះកុងត្រាយកកីឡាកររូបនេះ ក្រោមសម្ពាធនិងសំណួរជាច្រើន ខណៈកីឡាកររូបនេះគ្រាន់តែជាកីឡាករបម្រុងម្នាក់ហើយមិនសូវបានលេងនៅ Chelsea។ប៉ុន្តែវរបុរសតោខៀវ Didier Drogba បានទម្លាយថាគាត់តែងតែជឿជាក់លើ Salah រហូត។
កីឡាករទាំងពីរធ្លាប់លេងជាមួយគ្នាកាលនៅ Stamford Bridge ហើយគាត់បាននិយាយក្នុងទូរទស្សន៍ BBC ថា Salah ធ្លាប់ផ្ញើសារទៅគាត់សួរពីមូលហេតុអីបានជាមិនអាចរកគ្រប់បាល់បាន។ ទោះបីជាពេលនេះគាត់នៅឆ្ងាយពីគ្នា Drogba នៅតែ ជាអ្នកគាំទ្រដ៏ងប់ងុលរបស់ Salah ហើយជឿថាថ្វីជើងរបស់ កីឡាករសញ្ជាតិអេហ្ស៊ីបនឹងឡើងដល់កម្រិតកំពូល។
“ គាត់ពិតជាមិនអាចទស្សន៍ទាយបានឡើយ។ គាត់អាចញាក់បាល់បង្ហួសអ្នក ហើយគាត់ពិតជាខ្លាំង និងអាចរកគ្រាប់បាល់។ មានម្ដងនោះគាត់បានសរសរសារផ្ញើមកខ្ញុំដោយនិយាយថា៖ ខ្ញុំរកគ្រាប់បាល់អត់បាន ខ្ញុំមិនដឹងថាហេតុអ្វី?ហើយខ្ញុំក៏និយាយថា បញ្ហាវាគ្រាន់តែជាពេលវេលា និងភាពជឿជាក់របស់អ្នកប៉ុណ្ណោះ។ ពេលដែលអ្នកមានភាពជឿជាក់ គ្រប់យ៉ាងអាចកើតឡើង”។ ហើយអ្នកអាចឃើញហើយថាគាត់កំពុងរកគ្រាប់បាល់បានច្រើន។
“ ខ្ញុំបានឃើញគាត់រីកចម្រើនខ្លាំងក្នុងប៉ុន្មានឆ្នាំចុងក្រោយនេះ គាត់បានទៅអ៊ីតាលី ដើម្បីបង្ហាញទម្រង់លេង ហើយបន្ទាប់មកគាត់ត្រឡប់មកអង់គ្លេស ដើម្បីបង្ហាញថាគាត់គឺជាកីឡាករដែលយើងតែងតែជឿជាក់បាន”៕
