ខ្សែបម្រើ Real Madrid កីឡាករ Casemiro សង្ឃឹមថា Neymar នឹងមកចូលរួមជាមួយ ក្លឹបម្ចាស់ជើងឯក La liga ខណៈរូបគេគិតថា ស្វាគមន៍ការមកដល់របស់កីឡាករប្រេស៊ីលរូបនេះជានិច្ច។
Neymar មានវ័យ២៥ឆ្នាំជាប់ទាក់ទងទៅនឹងការផ្ទេរមកលេងនៅ Real Madrid ទោះបីជា ទើបនឹងចុះកុងត្រាជាមួយ PSG ក្នុងរដូវកាលនេះនូវតម្លៃបំបែកកំណត់ត្រាពិភពលោក២២២លានអឺរ៉ូពីក្លឹប Barcelona កាលពីខែសីហាក៏ដោយ។ Casemiro បាននិយាយថាគាត់ពិតជាសប្បាយរីករាយណាស់ដែលមាន Neymar នៅកីឡដ្ឋាន Santiago Bernabeu, ប៉ុន្តែរូបក៏ទទួលស្គាល់ថាមិត្តរួមក្រុមជម្រើសជាតិប្រេស៊ីលរីករាយនៅទីក្រុងប៉ារីស។
“គាត់គឺតារាហើយគាត់ដឹងថាអ្វីដែលគាត់កំពុងធ្វើ។ គាត់គឺជាកីឡាករ អស្ចារ្យហើយគាត់នឹងត្រូវបានទទួលស្វាគមន៍នៅReal Madrid។ ខ្ញុំសង្ឃឹមថាគាត់នឹងមក។” Casemiro និយាយក្នុងកាសែត COPE ក្រោយការប្រកួតចប់ដោយលទ្ធផល០-០រវាងប្រេស៊ីលនឹងអង់គ្លេសយប់មិញ។
A bola teimou em não entrar no 1º tempo! Vamos vencer essa, #Brasil! ⚽️🇧🇷 #GigantesPorNatureza pic.twitter.com/FXOOkXa8FE
— CBF Futebol (@CBF_Futebol) November 14, 2017
លទ្ធផលស្មើជាមួយអង់គ្លេសកាលពីយប់មិញ គឺជាការប្រកួតចុងក្រោយរបស់ជម្រើសជាតិប្រេស៊ីលក្នុងឆ្នាំ២០១៧ ហើយលទ្ធផលស្មើនេះ ក៏មិនអាក្រក់ពេកដែរ ខណៈពួកគេគឺជាក្រុមដែលបានឡើងមកលេង World Cup 2019 មុនគេបំផុតបន្ទាប់ពីម្ចាស់ផ្ទះរុស្សី៕
