Monaco បានប្រកាសការចុះហត្ថលេខាយក Stevan Jovetic កុងត្រា៤ឆ្នាំពីក្លឹប Inter Milan ហើយកីឡាកររូបនេះត្រូវបានរំពឹងថានឹងមកជំនួសKylian Mbappe ដែលប្ដូរទៅ PSG ។
Kylian Mbappe នឹងចេញពីប្រទេសម៉ូណាកូ ទៅលេងនៅក្លឹបមានមូលដ្ឋាននៅទឹកដីទីក្រុងប៉ារីស ហើយក្លឹបលក់កីឡាករច្រើនជាងគេមួយនេះ បានចុះកុងត្រាយក Jovetic ដែលមានទម្រង់លេងល្អដែរនោះ។ កីឡាករវ័យ២៧ឆ្នាំកំពុងមានទម្រង់លេងល្អពេលលេងនៅ Fiorentina មុនពេលមកចូលរួមជាមួយ Man City ក្នុងតម្លៃ២២លានផោនកាលពីឆ្នា ២០១៣។
រូបគេហាក់មិនបានបង្ហាញទម្រង់លេងល្អសោះ ពេលមកដល់អង់គ្លេស ដោយរកគ្រាប់បាល់បានត្រឹមតែ៨គ្រាប់ក្នុងពានរង្វាន់ Premier League។ កីឡាករជម្រើសជាតិម៉ុងតេណេក្រូ ក៏បានចំណាយពេលលេងក្នុងលក្ខខណ្ឌខ្ចីជើងនៅ Inter Milan ហើយ Sevilla ប៉ុន្តែពេលនេះ រូបគេបានមកចូលរួមជាមួយក្រុមលោក Leonardo Jardim នៅកីឡដ្ឋាន Stade Louis II ហើយ។
ការចុះកុងត្រានេះ នឹងរក្សាកីឡាករនៅ Monaco ដល់ឆ្នាំ ២០២១ ខណៈក្លឹបក៏បានចំណាយសេវាផ្សេងៗឲ្យ Inter Milan ១១លានអឺរ៉ូផងដែរ៕
