អាជ្ញាកណ្ដាលនឹងអាចស្ថិតក្នុងសម្ពាធនៅពេលដែលពួកគេចូលរួមកាត់ក្ដីនៅ World Cup ក្នុងប្រទេសរុស្សីហើយបើមានបញ្ហាក្នុងការប្រកួតណាមួយ តែយ៉ាងណាពួកគេក៏ទទួលបានប្រាក់ឈ្នួលផងដែរ។
មានអាជ្ញាកណ្ដាលកាត់ក្ដីចំនួន៣៦នាក់ និងជំនួយការអាជ្ញាកណ្ដាល៦៣នាក់ត្រូវធ្វើការនៅរុស្សី។ តាមប្រភពកាសែតប្រេស៊ីល UOL Esporte ដែលបានបោះពុម្ពពីប្រាក់ឈ្នួលអាជ្ញាកណ្ដាលនឹងទទួលបានទៅតាមការតួនាទីមិនបានស្មើគ្នានោះទេ។
FIFAបានកំណត់ថាអាជ្ញាកណ្ដាលកម្រិតខ្ពស់ល្បីៗបំផុតមាន Felix Brych (អាល្លឺម៉ង់), Cuneyt Cakir (ទួរគី) និង Nestor Pitana (អាហ្សង់ទីន) នឹងទទួលបាន៥៧០០០អឺរ៉ូសម្រាប់ការក្ដីនៅរុស្សី បូកបន្ថែមការកាត់ក្ដីមួយប្រកួតៗពួកគាត់ទទួលបាន២៥០០០អឺរ៉ូ។
ចំណែកជំនួយការអាជ្ញាកណ្ដាលទាំងអស់ទទួលបាន២០០០០អឺរ៉ូក្នុងម្នាក់ៗហើយមួយប្រកួតនឹងទទួលបានប្រាក់១៦០០អឺរ៉ូផងដែរ៕
